2017 წლის მსოფლიო ჩემპიონი, ახალი ზელანდიის 20-წლამდე მორაგბეთა ნაკრები საჩემპიონო ბრძოლას გამოეთიშა.

Junior All Blacks-მა ჯგუფში ბოლო მატჩი სამხრეთ აფრიკის წინააღმდეგ ანგარიშით 17:25 დათმო და ათი ქულით მეორე ადგილზე გავიდა, რაც საჩემპიონო ბრძოლის გასაგრძელებლად საკმარისი არ აღმოჩნდა.

სამხრეთაფრიკელებმა კი თოთხმეტი ქულით ჯგუფური ეტაპი თოთხმეტი პირველ ადგილზე დაასრულა და საუკეთესო ოთხეულშიც პირველია.

მეხუთე-მერვე ადგილებისთვის ბრძოლას ახალი ზელანდია, ირლანდია, ინგლისი და უელსი განაგრძობენ. საუკეთესო შედეგის მქონე ზელანდია 17 ივნისს, თბილისის დროით 17:30 საათზე უელსს შეხვდება, ხოლო 22:30 საათზე ირლანდია ინგლისს დაუპირისპირდება.

მეცხრე-მეთორმეტე ადგილისთვის ბრძოლას განაგრძობს საქართველოს 20-წლამდე მორაგბეთა ნაკრები. უმცროსი ბროჯღალოსნები 9-12 ადგილისთვის მებრძოლთა შორის ქულებით საუკეთესოა და შესაბამისად, ყველაზე ცუდი რეზულტატის მქონე ფიჯის 17 ივნისს, თბილისის დროით 20:00 საათზე დაუპირისპირდება. შოტლანდია კი იტალიას ასევე 17 ივნისს, თბილისის დროით 17:30 საათზე შეხვდება.

მსოფლიო ჩემპიონობისთვის კი სამხრეთ აფრიკა, არგენტინა, ავსტრალია და საფრანგეთი იბრძოლებენ.

პირველი ნახევარფინალური მატჩი არგენტინასა და ავსტრალიას შორის 17 ივნისს, თბილისის დროით 20:00 საათზე გაიამართება. ხოლო მოქმედი ჩემპიონი, საფრანგეთი სამხრეთ აფრიკას 17 ივნისს, 22:30 საათზე დაუპირისპირდება.

ახალი ზელანდია ჩემპიონობისთვის ბრძოლას გამოეთიშა

ასევე იხილეთ

უახლესი ამბები