დღეს, 20 ივლისს სტარტი 4 ერის რაგბი ჩემპიონშიპმა აიღო.

4 ერში პირველი ტურის მატჩები გაიმართა, სადაც სამხრეთ აფრიკამ ავსტრალიას უმასპინძლა, ხოლო არგენტინამ მოქმედ ჩემპიონ - ახალ ზელანდიას.

არგენტინელებს პირველივე ტურში სენსაციამდე სულ ცოტა დააკლდათ. "ოლ ბლექსმა" "პუმები" ანაგრიშით 20:16 დაამარცხა.

პირველი ტაიმის შემდეგ "პუმები" ანგარიშით 9:20 მარცხდებოდნენ, თუმცა მეორე ტაიმის 46-ე წუთზე გატანილი ლელოთი და გარდასახვით ანგარიში ოთხ ქულამდე შეამცირეს. ზელანდიელებმა მეორე ტაიმი 0:7 წააგეს, თუმცა ჩემპიონებმა თავიანთი პირველი მატჩი მაინც მოიგეს.

აღსანიშნავია, რომ არგენტინამ ბონუს ქულა მაინც მოიპოვა და ამჟამად სატურნირო ცხრილში მესამე ადგილზეა. პირველ ადგილს ხუთი ქულით, ავსტრალიასთან ბონუსქულით გამარჯვების შემდეგ სამხრეთ აფრიკა იკავებს, ახალი ზელანდია კი ოთხი ქულით მეორეა, ხოლო ბოლო ადგილზე, 0 ქულით ავსტრალიის ნაკრებია.

ცნობისთვის, მეორე ტურის მატჩები 27 ივლისს გაიმართება. ამჯერად ახალი ზელანდია თბილისის დროით 11:35 საათზე სამხრეთ აფრიკას უმასპინძლებს, ხოლო ავსტრალიასა და არგენტინას შორის მატჩი ბრისბანში, თბილისის დროით 13:45 საათზე დაიწყება.

არგენტინას ცოტა დააკლდა

უახლესი ამბები