მსოფლიო რაგბის ოფიციალურ ვებგვერდზე განახლებული რეიტინგი გამოქვეყნდა.

მსოფლიოს განახლებულ რეიტინგში საქართველოს ეროვნული ნაკრების პოზიცია უცვლელია. ბორჯღალოსნები რეიტინგში კვლავაც მეთორმეტე ადგილს იკვებენ.

რაც შეეხება ათეულს, 4 ერის პირველ ორ ტურში, ავსტრალიასთან მოგებისა და ახალ ზელანდიასთან ფრის შემდეგ, სამხრეთ აფრიკა ერთი პოზიციით დაწინაურდა. სამხრეთაფრიკელებმა რეიტინგში ინგლისი ჩამოიტოვეს და მეოთხე ადგილზე გადაინაცვლეს.

აღსანიშნავია, რომ რაგბი ჩემპიონშიპის ორი ტურის შემდეგ სამხრეთ აფრიკა შვიდი ქულით პირველ ადგილზეა და მოქმედ ჩემპიონს, ახალ ზელანდიას ერთი ქულით უსწრებს.

კიდევ ერთი მინიმალური ცვლილებაა ოცეულშიც. ტონგამ და იტალიამ ადგილები გაცვალეს. ტონგელები ერთი პოზიციით დაქვეითდნენ და განახლებულ რეიტინგში მეთოთხმეტე ადგილს იაკვებენ, ხოლო იტალია - მეცამეტეა.

მსოფლიო რაგბიმ რეიტინგი განაახლა

უახლესი ამბები