გუშინ, 10 აგვისტოს 4 ერის ბოლო ტურში ავსტრალიასთან მარცხის შემდეგ, ახალ ზელანდიას მსოფლიო რეიტინგში 2.49 ქულა დააკლდა და "ცოცხალ რეიტინგში" 2008 წლის შემდეგ პირველად, მეორე ადგილზე ჩამოქვეითდა.

გუშინედელი მონაცემებით პირველ ადგილზე ისტორიაში პირველად უელსის ნაკრებმა გადაინაცვლა. თუმცა ვითარება დღეს, 11 აგვიტოს კვლავაც შეიცვალა. ტესტ-მატჩი უელსელები ინგლისს ესტუმრნენ და ანგარიშით 19:33 დამარცხდნენ. შესაბამისად, უელსმა 1.07 ქულა დაკარგა და პირველ ადგილზე გადანაცვლება დროებით გადაიდო.

თუმცა, უელსს პირველ ადგილზე გადასვლის შანსი კვლავ აქვს. 17 აგვისტოს შინ, ინგლისის წინააღმდეგ გამარჯვების შემთხვევაში, უელსი მსოფლიო რეიტინგში კვლავაც დაწინაურდება. მიუხედავად იმისა, რომ ახალ ზელანდია ავსტრალიის წინააღმდეგ ასევე 17 აგვისტოს ითამაშებს, მოგების შემთხვევაშიც, "ოლ ბლექსი" პირველ ადგილს დაკარგავენ.

აღსანიშნავია, რომ მსოფლიო რაგბის ვებგვერდი ოფიციალურ რეიტინგს ხვალ, 12 აგვისტოს განაახლებს.

შეგახსენებთ, რომ უელსის ნაკრები მსოფლიო ჩემპიონატზე ბორჯღალოსნების ჯგუფში არიან. ჩვენი ნაკრები მსოფლიოპირველობის პირველ მატჩს, სწორედ მათ წინააღმდეგ, 23 სექტემბერს გამართავს.

ახალი ზელანდია კვლავ პირველია

უახლესი ამბები