მოგეხსენებათ, საქართველოს პირველი ჩოგანი, ნიკოლოზ ბასილაშვილი პარიზის ტურნირის მეორე რაუნდში გავიდა, სადაც სამხრეთ აფრიკელ კევინ ანდერსონს დაუპირისპირდება. ამას გარდა, ქართველი საფრანგეთის დედაქალაქში, წყვილთა თანრიგშიც იასპარეზებს.

ნიკოლოზის მეწყვილე, ჰოლანდიელი ვესლი კულჰუფი იქნება, რომელმაც ინდივიდუალურ თანრიგში ბოლოს 2015 წელს ითამაშა, თუმცა წყვილებში ალიკანტესა და ბრაუნშვაიგის ჩელენჯერებზე გამარჯვება მოიპოვა. ნიკას მიმდინარე სეზონში წყვილთა თანრიგში სულ 14 მატჩი გამართა და მხოლოდ 6 მათგანში იმარჯვა.

ბასილაშვილი/კულჰუფის მოწინააღმდეგე ისნერი/სკუპსკის დუეტი იქნება, რომელთაც ერთად თამაშის პირველი შესაძლებლობა ექნებათ. ისნერისგან განსხვავებით, სკუპსკი წყვილთა თანრიგის საკმაოდ ძლიერი მოთამაშეა და მიმდინარე სეზონში საკმაოდ პრესტიჟული ვენის ტურნირის მოგებაც მოახერხა.

შეხვედრა თბილისის დროით 16:00-ზე დაიწყება.

ბასილაშვილი პარიზში წყვილთა თანრიგზეც იასპარეზებს

ასევე იხილეთ

უახლესი ამბები