მიმდინარე კვირაში სტარტი აიღო WTA ჩელენჯერის მორიგმა ტურნირმა, რომელიც მუმბაიში მიმდინარეობს. პირველ რაუნდში ერთმანეთს ორი ქართველი, ეკა გორგოძე და სოფია შაფათავა დაუპირსპირდნენ.

პირველი სეტი გორგოძემ დამაჯერებლად მოიგო. საქართველოს პირველმა ჩოგანმა მატჩის სადავეები თავიდანვე იგდო ხელთ და სეტი მშვიდად, 6:2 დაასრულა. მეორე სეტი შაფათავას უპირატესობით დაიწყო. სოფიამ პირველი ბრეიკის აღება მოახერხა და 2:0 მიყავდა, თუმცა საბოლოოდ გორგოძემ სეტში გარდატეხის შეტანა მოახერხა. ორი ბრეიკის განხორციელების შემდეგ საბოლოოდ შეხვედრა მშვიდად, 6:4 მოიგო.

მუმბაის ჩელენჯერის მეორე რაუნდში ეკა გორგოძე გასპარიანი/მრდზეას შორის გამარჯვებულს დაელოდება.

ეკას მიმდინარე სეზონში ITF რანგის ორი ტურნირი აქვს მოგებული. ერთ ეხინგენის (გერმანია) მეორე კი - ასტანას (ყაზახეთი). ქართველი ჩოგბურთელი წლეულს თავისი მესამე ტიტულის მოპოვებას ეცდება.

შაფათავა VS გორგოძე - მუმბაიში ქართული დერბი შედგა

ასევე იხილეთ

უახლესი ამბები