2020 წლის უიმბლდონი გაუქმდა
მიზეზი კორონავირუსია

რამდენიმე დღის წინ, გერმანიის ჩოგბურთის ფედერაციის ვიცეპრეზიდენტი, დირკ ჰორდორფი აცხადებდა, რომ ყველა მნიშვნელოვანი გადაწყვეტილება უკვე მიღებული იყო, ოთხშაბათს კი ბორდი შეიკრიბებოდა, სადაც საბოლოოდ გადაწყდებოდა 2020 წლის უიმბლდონის გაუქმება.

ჰორდორფის ნათქვამი გამართლდა და მეორე მსოფლიო ომის შემდეგ პირველად მოხდა, რომ უიმბლდონი გაუქმდა. ტურნირი 29 ივნისიდან 12 ივლისამდე უნდა გამართულიყო. ასევე საუბრობდნენ იმაზე, რომ ის შემოდგომამდე გადაიდებოდა, თუმცა უიმბლდონის განსაკუთრებული სპეციფიკის გამო ესეც ვერ ხერხდება.

It is with great regret that the AELTC has today decided that The Championships 2020 will be cancelled due to public health concerns linked to the coronavirus epidemic.

The 134th Championships will instead be staged from 28 June to 11 July 2021.https://t.co/c0QV2ymGAt
— Wimbledon (@Wimbledon) April 1, 2020

როგორც ირკვევა, 2021 წელს უიმბლდონი 28 ივნისიდან 11 ივლისამდე გაიმართება. ამჟამად კი ჩოგბურთის გულშემატკივრებს მოუწევთ, რომ ამ სამწუხარო ფაქტს შეეგუონ.

"სამწუხაროდ, ბორდმა გადაწყვიტა, რომ უიმბლდონის 2020 წლის გათამაშება უნდა გაუქმდეს. მიზეზი კორონავირუსია და ჩვენ ვგრძნობთ პასუხისმგებლობას.

ამ საკითხთან დაკავშრებული ყველა საკითხი დეტალურად იქნა განხილული. მენეჯმენტის გადაწყვეტილებით, ტურნირის გაუქმება ამ ეტაპზე საუკეთესო გამოსავალია. რა თქმა უნდა, ეს ყველაფერი საზოგადოების უსაფრთხოებისა და მათი ჯანმრთელობის დასაცავად კეთდება. ჩვენ ვზრუნავთ იმ ადამიანებზე, ვისაც ჩოგბურთი უყვარს და მათი ინტერესებიდან გამომდინარე მივიჩნევთ, რომ წელს უიმლბდონი არ უნდა ჩატარდეს.

ამ გადაწყვეტილებით ჩვენ ვიცავთ უამრავი ადამიანის ჯანმრთელობას. ამ ეტაპზე შეუძლებელია იმის პროგნოზირება თუ როდის შეწყვეტს COVID–19 გავრცელებას. მსოფლიოს ამ პანდემიის დასამარცხებლად დრო სჭირდება, ჩვენ კი არ შეგვიძლია საფრთხის ქვეშ დავაყენოთ ორგანიზატორების, სპორტსმენების, თანამშრომლებისა და დამსწრე საზოგადოების სიცოცხლე", – ნათქვამია განცხადებაში.

შეგახსენებთ, რომ WTA–ის და ATP–ის ერთობლივი გადაწყვეტილებით, გრუნტის სეზონი გაუქმდა. უფრო ადრე ცნობილი გახდა, რომ ასევე გაუქმდა ინდიან უელსი და მაიამის მასტერსი.

ასევე იხილეთ: ამელი მორესმო: "არ იქნება ვაქცინა - არ იქნება ჩოგბურთი"

მეორე მსოფლიო ომის შემდეგ პირველად – უიმბლდონი გაუქმდა!

ასევე იხილეთ

უახლესი ამბები