ანტიკრიზისული პროგრამა
ორგანიზაციები ჩოგბურთელებს დაეხმარებია

ჩოგბურთის საერთაშორისო ორგანიზაცია (ITF), ATP, WTA და დიდი მუზარადის ტურნირების ორგანიზატორები იტყობინებიან, რომ უახლოეს მომავალში შეიქმნება მხარდამჭერი პროგრამა, რომლის მიხედვითაც დახმარებას მიიღებენ ის ჩოგბურთელები, რომლებიც კორონავირუსის პანდემიის დროს ყველაზე მეტად დაზარალდნენ.

"დისკუსია ორგანიზაციებს შორის ნაყოფიერად მიმდინარეობს, საბოლოო დეტალებს ვათანხმებთ და პროგრამა დასრულებულ სახეს უახლოეს მომავალში მიიღებს. უკვე გადაწყვეტილია, რომ მხარდამჭერ პროგრამას ATP და WTA განახორციელებენ, ხოლო მასში ინვესტიციას შვიდივე ორგანიზაცია ჩადებს.

The seven international governing bodies of world tennis are in discussions to create a COVID-19 Player Relief Programme.

Full statement: https://t.co/DZpPZSIxMu
— ITF Media (@ITFMedia) April 21, 2020

კარგად გვესმის, რომ ჩვენს მოთამაშეებს, ისევე როგორც ძალიან ბევრ ადამიანს, სჭირდებათ ფინანსური მხარდაჭერა, რომლებმაც პანდემიის პერიოდში შემოსავლის წყარო დაკარგეს. მოუთმენლად ველით ჩვენი მუშაობის ნაყოფის მათთვის გაზიარებას", - ვკითხულობთ განცხადებაში.

შეგახსენებთ, რომ ანალოგიური იდეის განხორციელება დაიწყო ATP-ს ჩოგბურთელთა კავშირმა, რომლის ინიციატორებიც რაფაელ ნადალი, როჯერ ფედერერი და ნოვაკ ჯოკოვიჩი არიან და აპირებენ იმ მოთამაშეებს დაეხმარონ, რომლებიც რეიტინგის 250-ეულს მიღმა იმყოფებიან.

ასევე იხილეთ: ნადალი: "ახლა ჩოგბურთი ყველაზე ნაკლებად მაღელვებს"

წამყვანი საჩოგბურთო ორგანიზაციები ანტიკრიზისულ პროგრამაზე მუშაობენ

ასევე იხილეთ

უახლესი ამბები