რუმინელმა ჩოგბურთელმა მომავალზე ისაუბრა
"თუ სექტემბერში ვითამაშეთ, ესე იგი გადავრჩით"

მსოფლიოს მეორე ჩოგანმა, როლან გაროსის 2018 წლის გამარჯვებულმა და უიმბლდონის მოქმედმა ჩემპიონმა, სიმონა ჰალეპმა კორონავირუსის პანდემიის გამო ტურნირების გადადებასა და გაუქმებაზე ისაუბრა.

"რა თქმა უნდა, როდესაც როლან გაროსი სექტემბერში გადაიტანეს, ეს ნამდვილი შოკი იყო. უიმბლდონის შესახებ სავარაუდო ინფორმაცია ვფლობდით, თუმცა როდესაც ტურნირის გაუქმების გადაწყვეტილება მიიღეს, ელექტრონულ ფოსტაზე თავაზიანი წერილი მომივიდა და ყველაფერი ამიხსნეს.

"If we are playing tennis again in September we have already won." Thank you for the interview @Simona_Halep. My piece for @cnnsport: https://t.co/bAMATtFfUD
— Danielle Rossingh (@DRossingh) April 23, 2020

ყველა განიცდის, რომ როლან გაროსის გადატანამ კალენდარში ბევრი ტურნირის განრიგი შეცვალა ან ამოიღო დღის წესრიგიდან. თუმცა, გულწრფელად მინდა გითხრათ, რომ ძალიან გაგვიმართლებს, თუ წელს საერთოდ მოგვიწევს თამაში. დიახ, სექტემბრამდე დიდი დროა, მაგრამ ვფიქრობ, რომ მაგ დროისთვის თამაშის საშუალება მოგვეცა, ესე იგი პანდემიას თავი მარტივად დავაღწიეთ", - განაცხადა რუმინელმა ჩოგბურთელმა.

შეგახსენებთ, რომ როგორც ჩოგბურთი, ასევე სპორტის სხვა სახეობებიც კორონავირუსის პენდემიის გამო გაურკვეველი ვადით არის შეჩერებული. მსოფლიოს მასშტაბით COVID-19-ით დაინფიცირების 2 661 518 ფაქტია დადასტურებული, საიდანაც 185 504 შემთხვევა ლეტალურად დასრულდა, ხოლო 730 843 ადამიანი გამოჯანმრთელდა.

ასევე იხილეთ: წამყვანი საჩოგბურთო ორგანიზაციები ანტიკრიზისულ პროგრამაზე მუშაობენ

ჰალეპი სექტემბრის იმედად არის

ასევე იხილეთ

უახლესი ამბები