APT-ს მსოფლიო რეიტინგის პირველმა ნომერმა, ნოვაკ ჯოკოვიჩმა დაადასტურა, რომ აშშ-ში გაემგზავრება და ცინცინატისა და US Open-ის ტურნირებზე მონაწილეობას მიიღებს.

"მოხარული ვარ დაგიდასტუროთ, რომ მიმდინარე წელს, ცინცინატისა და US Open-ის ტურნირებზე მონაწილეობას მივიღებ. ეს არ იყო მარტივად მისაღები გადაწყვეტილება, რომელიც დაკავშირებული იყო სხვადასხვა დაბრკოლებასა და პრობლემაზე. თუმცა, ტურნირებზე მონაწილეობა კვლავ ძალიან მაიმედებს.

ჩემი კარიერის განმავლობაში USTA ბილი ჯინ კინგის ნაციონალურ საჩოგბურთო ცენტრში არაერთი დაუვიწყარი მატჩი ჩამიტარებია. ვიცი, რომ ამჯერად პროტოკოლისა და სიფრთხილის ზომების გამო, სიტუაცია რადიკალურად განსხვავებული იქნება, რომელიც მოთამაშეებისა და ნიუ იორკის მკვიდრებისთვის გაკეთდა.

მიუხედავად ყველაფრისა, ვარჯიში არ შემიწყვეტია. ახლა შესანიშნავ ფორმაში ვიმყოფები და ახალ გარემოსთან ადაპტირებისთვის მზად ვარ. ჩავიტარე სამედიცინო შემოწმება, რათა დავრწმუნებულიყავი, რომ სრულად გამოვჯანმრთელდი და კორტზე საუკეთესო თამაში ვაჩვენო.

ვაფასებ და პატივს ვცემ ყველას, ვინც ამ ორ ტურნირს ორგანიზება გაუწია და ძალები არ დაიშურა იმისათვის, რომ ჩოგბურთელები თავის საქმიანობას დაბრუნებოდნენ", - განაცხადა ნოლემ.

I’m happy to confirm that I‘ll participate at #CincyTennis and #USOpen this year. It was not an easy decision to make with all the obstacles and challenges on many sides, but the prospect of competing again makes me really excited 😃💪🏼 https://t.co/qgxSTHrKK4 pic.twitter.com/tg6rgwfFqm
— Novak Djokovic (@DjokerNole) August 13, 2020

ნოვაკ ჯოკოვიჩს ამერიკის ღია პირველობა კარიერაში სამჯერ აქვს მოგებული. უკანასკნელად კი 2018 წელს იმარჯვა. ამასთანავე, სერბის აქტივში კიდევ 14 სხვადასხვა გრანდ სლემის ტურნირია. რაც შეეხება ცინცინატის მასტერსს, ის ნოვაკს ერთხელ, 2018 წელს აქვს მოგებული.

შეგახსენებთ, რომ ცინცინატის ტურნირი, რომელიც მაისში უნდა გამართულიყო, კორონავირუსის პანდემიის გამო გადაიდო. ის ნიუ იორკში, 20-28 აგვისტოს გაიმართება. ხოლო, US Open სტარტს 31 აგვისტოს აიღებს და 13 სექტემბერს დასრულდება.

ჯოკოვიჩი US Open-ზე ითამაშებს

ჯოკოვიჩს ჩოგბურთი მოენატრა

ნოლე აშშ-ში გაემგზავრება

ასევე იხილეთ

უახლესი ამბები