პარიზში მიმდინარე როლან გაროსზე, გოგონების ერთეულთა თანრიგში მეორე ნახევარფინალური წყვილის პირველი მონაწილე გამოვლინდა.

ერთ საათსა და 18 წუთიან დაპირისპირებაში, WTA რეიტინგის მე-11 ჩოგანმა და ტურნირზე მე-7 ნომრად განთესილმა პეტრა კვიტოვამ ლაურა ზიგმუნდი ორ სეტში (6:3; 6:3) დაამარცხა და გერმანელი გათამაშებას გამოთიშა.

ჩეხმა ჩოგბურთელმა პირველ სეტში მეტოქის ერთი მოწოდება მოიგო და პარტია გამარჯვებამდე მშვიდად მიიყვანა. კვიტოვას მეორე სეტში შედარებით გაუჭირდა. მან საკუთარი ჩაწოდება ორჯერ დათმო, თუმცა 4-ჯერ ოპონენტის აიღო, მეორე სეტშიც პირველის ანალოგიურად, 6:3 იმარჯვა როლან გაროსის ნახევარფინალში კარიერაში მეორედ გავიდა.

საფრანგეთის ღია პირველობის საუკეთესო ოთხეულში ჩეხი პირველად 2012 წელს იყო. მაშინ პეტრა კვიტოვა მომავალ ჩემპიონთან, მარია შარაპოვასთან ორ სეტში (3:6; 3:6) დამარცხდა.

შეგახსენებთ, რომ კვიტოვა უიმბლდონის 2011 და 2014 წლების გამარჯვებულია. გასულ წელს კი ის ავსტრალიის ღია პირველობის ფინალში ნაომი ოსაკასთან 6:7; 7:5; 4:6 დამარცხდა.

ნახევარფინალში პეტრა დანიელა როუზ კოლინსსა და სოფია კენინს შორის გამარჯვებულს შეხვდება.

Air Petra ✈️@Petra_Kvitova s'envole vers les demi-finales grâce à une victoire en deux sets sur Siegemund 6-3 6-3. #RolandGarros pic.twitter.com/Zm3WtH59jM
— Roland-Garros (@rolandgarros) October 7, 2020

კვიტოვა ნახევარფინალშია

კვიტოვამ ზიგმუნდი ორ სეტში დაამარცხა

ასევე იხილეთ

უახლესი ამბები