როგორც იცით, როლან გაროსის ფინალურ დაპირისპირებაში, ერთმანეთს მსოფლიოს ნომერ პირველი და მეორე ჩოგბურთელები – ნოვაკ ჯოკოვიჩი და რაფაელ ნადალი დაუპირისპირდნენ. გამარჯვება სამ სეტში 6:0, 6:2, 7:5 "თიხის მეფედ" წოდებულ ესპანელს დარჩა. "მატადორმა" საფრანგეთის ღია მეცამეტედ მოიგო და დიდი სლემების მონაგარი ოცამდე გაზარდა.

აღნიშნული ტურნირის დასრულების შემდეგ, პროფესიონალ ჩოგბურთელთა ასოციაციამ (ATP) განახლებული რეიტინგი წარმოადგინა. როლან გაროსის ნახევარფინალისტმა, სტეფანოს ციციპასმა რუს დანიილ მედვედევს გადაასწრო და მეხუთე პოზიცია დაიკავა. საუკეთესო ათეულში პირველად მოხვდნენ არგენტინელი დიეგო შვარცმანი და რუსი ანდრეი რუბლიოვი.

ტოპ ათეული კი სრულად ასე გამოიყურება.

1.ნოვაკ ჯოკოვიჩი – 11,740 ქულა.

2.რაფაელ ნადალი – 9,850 ქულა.

3.დომინიკ ტიმი – 9,125 ქულა.

4.როჯერ ფედერერი – 6,630 ქულა.

5.სტეფანოს ციციპასი – 5,925 ქულა.

6.დანილ მედვედევი – 5,890 ქულა.

7.ალექსანდრ ზვერევი – 4,650 ქულა.

8.დიეგო შვარცმანი – 3,180 ქულა.

9.მატეო ბერეტინი – 3,075 ქულა.

10.ანდრეი რუბლევი – 2,974 ქულა.

რაც შეეხება ქართველ ჩოგბურთელ, ნიკოლოზ ბასილაშვილს, ის რეიტინგში 1,395 ქულით 33–ე ადგილს იკავებს.

ATP–ის განახლებული რეიტინგი

ნადალმა როლან გაროსი მოიგო

რეიტინგი განახლდა

ასევე იხილეთ

უახლესი ამბები