ATP-ს მსოფლიო რეიტინგის მეშვიდე ჩოგანმა, ალექსანდრ ზვერევმა კიოლნში გამართული 250-ანი ტურნირი მოიგო და კარიერაში მე-12 ტიტულს დაეუფლა.

ფინალურ დაპირისპირებაში გერმანელმა ჩოგბურთელმა ტურნირზე მე-3 ნომრად განთესილი, ფელიქს ოჟე-ალიასიმი დაამარხა. ზვერევმა პირველ სეტში კანადელი მეტოქის მოწოდება სამჯერ აიღო, თავად კი მხოლოდ ერთი დათმო. მეორე სეტში კი ალექსანდრმა ოპონენტის ჩაწოდებაზე ერთი გეიმი მოიგო. საბოლოოდ კი ორივე სეტი ერთნაირი ანგარიშით, 6:3; 6:3 იმარჯვა და საშინაო კედლებში ATP-ს ტურნირი მესამედ მოიგო.

Cologne is SASCHA’s House 🤘

Home favourite @AlexZverev defeats Auger-Aliassime 6-3 6-3 to win in Cologne, his first title of the year!#bett1hulksIndoors pic.twitter.com/tOd8glOmbO
— Tennis TV (@TennisTV) October 18, 2020

რაც შეეხება კანადელს, ოჟე-ალიასიმმა კარიერაში მეექვსე ფინალი დათმო და ამასთანავე, ვერცვერთ მათგანში სეტის მოგებაც კი ვერ შეძლო.

ალექსანდრ ზვერევი ტურნირს 1/8 ფინალიდან ჩაერთო და პირველი ეტაპიდან მან ფერნანდო ვერდასკო (6:4; 6:1) გამოთიშა. მომდევნო რაუნდში გერმანელის მეტოქე სამხრეთ აფრიკელი ჩოგბურთელი, ლოიდ ჯორჯ ჰარისი გახლდათ, რომელსაც სამ სეტში, 6:4; 3:6; 6:0 სძლია და ნახევარინალში, ალეხანდრო დავიდოვიჩ ფოკინაზე გავიდა, სადაც მომავალმა ჩემპიონმა ესპანელ მოწინააღმდეგეს დაძაბულ ბრძოლაში, 7:5; 7:6(7:3) მოუგო და ფინალური საგზური მოიპოვა.

კიოლნის ტურნირი ზვერევმა მოიგო

ფინალში ზვერევმა ოჟე-ალიასიმი დაამარცხა

ასევე იხილეთ

უახლესი ამბები