მოგეხსენებათ, მიმდინარე საჩოგბურთო სეზონი დასასრულს უახლოვდება. ნიკოლოზ ბასილაშვილს კარიერის საუკეთესო წელი ჰქონდა და შეუძლებელია ამაში მისი მწვრთნელის, იან დე ვიტის უმნიშვნელოვანესი როლი ვერ დავინახოთ. ქართველი ჩოგბურთელი სეზონს ATP რეიტინგის 21-ე პოზიციაზე დაასრულებს.

ივლისში ნიკამ ჰამბურგის 500-ქულიანი ტურნირი მოიგო, ხოლო ოქტომბერში, ფინალში ხუან მარტინ დელ პოტროს დამარცხებით პეკინის ტრიუმფატორი გახდა.

ბასილაშვილმა საგრძნობლად გააუმჯობესა პირველი ჩაწოდება, მისი "ფორჰენდის" შესახებ საჩოგბურთო სამყარო გაუჩერებლად საუბრობს, ხოლო ხასიათის სიმტკიცე, რომელიც ნიკოლოზის თამაშში იგრძნობა, ძალიან შთამბეჭდავია. ეს პირველ რიგში ნიკას დიდი შრომის და მისი მწვრთნელი, იან დე ვიტის დამსახურებაა. მათი თანამშრომლობა, რომ წარმატებულია, ამაზე ორი აზრი არ არსებობს და ბევრი ექსპერტის აზრით, ეს ჯერ კიდევ არ არის დასასრული. მათი აზრით ქართველი ჩოგბურთელი ათეულის ერთ-ერთი მთავარი კანდიდატია. ბასილაშვილმაც, თავის სამადლობელ წერილში, სწორედ ამას გაუსვა ხაზი.

დე ვიტის მუშაობის შედეგი, რა თქმა უნდა შთამბეჭდავია. ATP-მ მისი როლი დააფასა და წლის საუკეთესო მწვრთნელის კანდიდატურაზე წარადგინა. მასთან ერთად ტიტულის პრეტენდენტების სია ასე გამოიყურება: კარლოს მოია (ნადალი), სებასტიან პრიეტო (დელ პოტრო), სიმონე ვაგნოცი (კეჩინატო) და მარიან ვაიდა (ჯოკოვიჩი).

იან დე ვიტის აღიარება - ბასილაშვილის მწვრთნელი შესაძლოა წლის საუკეთესო გახდეს!

ასევე იხილეთ

უახლესი ამბები