2020 წლის როლან გაროსის ჩემპიონმა, პოლონელმა ჩოგბურთელმა, იგა შვიონტეკმა ჩოგნების მწარმოებელ კომპანიასთან კონტრაქტი გააფორმა.

WTA-ს მსოფლიო რეიტინგის მე-17 ჩოგანი კომპანია Tecnifibre-ს გლობალური სახე გახდება. აქვე მოგახსენებთ, რომ ამავე კომპანიის სახე შემაჯამებელი ტურნირის მოქმედი ჩემპიონი, დანილ მედვედევიც გახლავს.

აღსანიშნავია, რომ Tecnifibre-ს წარმოებული ჩოგნებით შვიონტეკი დაახლოებით 12 წლის ასაკამდე თამაშობდა.

შეგახსენებთ, 19 წლის პოლონელმა ჩოგბურთელმა დიდი მუზარადის ტურნირი კარიერაში პირველად მოიგო და თან შთამბეჭდავად. შვიონტეკმა ტურნირი სეტის წაუგებლად განვლო. იგამ ტურნირს გზად მარკეტა ვონდროუშოვა, სუ-ვეი ჰსიე, ეჟენი ბუშარი, სიმონა ჰალეპი, მარტინა ტრევისანი და ნადია პოდოროსკა გამოთიშა. ფინალურ დაპირისპირებაში კი სოფია კენინი 6:4; 6:1 დაამარცხა და რეიტინგის ტოპ-20-ში პირველად შევიდა.

Iga Świątek podpisała kontrakt z Tecnifibre i oficjalnie już zmienia rakiety🆕️ Będzie globalną twarzą francuskiej marki razem z Daniiłem Miedwiediewem, 24-letnim zwycięzcą tegorocznego Nitto ATP Finals🎾
W przeszłości, ponoć do 12 roku życia, Iga grała już rakietami Tecnifibre.
— Marek Furjan (@MarekFurjan) December 28, 2020

შვიონტეკი Tecnifibre-ს სახე გახდა

როლან გაროსის ჩემპიონი ჩოგნების მწარმოებელი კომპანიის სახე იქნება

ასევე იხილეთ

უახლესი ამბები