ATP რეიტინგის მე-2 ჩოგანი და დიდი მუზარადების 20-გზის ჩემპიონი, რაფაელ ნადალი მიმდინარე სეზონის კიდევ ერთ ტურნირზე დარეგისტრირდა, რომელიც როტერდამში, დახურულ კორტებზე გაიმართება.

500-ანი რანგის ტურნირი სტარტს 1 მარტს აიღებს და ერთი კვირა გაგრძელდება.

ასევე, როტერდამის ტურნირზე მონაწილეობას გასული სეზონის შემაჯამებელი ტურნირის ჩემპიონი - დანილ მედვედევი, ანდრეი რუბლიოვი, მოქმედი ჩემპიონი - გაელ მონფილსი, 2015 წლის ჩემპიონი - სტენ ვავრინკა, კეი ნიშიკორი, რობერტო ბაუტისტა-აგუტი, დავიდ გოფენი და იანიკ სინერი მიიღებენ.

რაფაელ ნადალი ამჟამად ავსტრალიაშია და ორკვირიან სავალდებულო კარანტინს გადის, რის შემდეგაც ესპანელი ჩოგბურთელი ავსტრალიის ღია პირველობაზე გამოვა. სეზონის პირველი გრანდ სლემის ტურნირი 8-23 თებერვალს ჩატარდება.

Rafael Nadal and Roberto Bautista Agut to join Rotterdam entry list, source @FiorinoLuca https://t.co/VoZgimuGRU
— Michal Samulski (@MichalSamulski) January 19, 2021

რაფა როტერდამის ტურნირზე ითამაშებს

რაფაელ ნადალი როტერდამის ტურნირზე დარეგისტრირდა

ასევე იხილეთ

უახლესი ამბები