დღეს ATP FINALS - London იწყება. როჯერ ფედერერმა პარიზის მასტერსის ნახევარ-ფინალის წინ განაცხადა, რომ ტრაგედია არ იქნებოდა, თუ ჯოკოვიჩთან დამარცხდებოდა, რადგან მისთვის პრიორიტეტული ლონდონში გამარჯვება იყო.

გასაგებიც არის, როჯერისთვის პრიორიტეტი რატომ იყო ინგლისში გამარჯვება. გარდა იმისა, რომ ფედერერი ლონდონის საფარზე თავს უკეთ გრძნობს, პარიზის მასტერსი 1000-იანი ტურნირია, ლონდონში კი გამარჯვებული 1500 ქულას მიიღებს. პარიზში გამარჯვებულს 5,444,985 ევრო შეხვდა წილად, ლონდონში კი საპრიზო ფონდი 8 000 000 დოლარია დაწესებული.

პარიზის ფინალში განცდილი მარცხის მიუხედავად, ამ ტურნირის მთავარ ფავორიტად მაინც ნოვაკ ჯოკოვიჩი ითვლება. ნოლე ამჟამად ATP რეიტინგის ნომერ 1 ჩოგანია.

ასევე, ერთ-ერთი მთავარი ფავორიტი როჯერ ფედერერია. წლევანდელი სეზონის ერთ-ერთი საუკეთესო შეხვედრა ფედერერმა და ჯოკოვიჩმა სწორედ პარიზის მასტერსზე გვაჩვენეს, სადაც ნოლეს 2 ტაი ბრეიკი დასჭირდა შვეიცარიელის დასამარცხებლად.

ფარულ ფავორიტებად შეიძლება შევრაცხოთ გერმანელი ალექსანდრ ზვერევი და კეი ნიშიკორი. გერმანელს ამ ბოლო დროს ნერვებმა ხშირად უმტყუნა, რაც მისი სუსტი მხარე დიდი ხანია არ ყოფილა.

რაც შეეხება ნიშიკორის, ის საკმაოდ კარგად თამაშობს და უშანსოდ მხოლოდ როჯერ ფედერერთან აგებს.

ტურნირში მონაწილეობას ჩოგბურთელები ორ ჯგუფად იღებენ:

I ჯგუფი

მარინ ჩილიჩი

ნოვაკ ჯოკოვიჩი

ჯონ იზნერი

2ჯგუფი

კეი ნიშიკორი

კევინ ანდერსონი

როჯერ ფედერერი

დომინიკ ტიმი

ATP FINALS - London იწყება!

ასევე იხილეთ

უახლესი ამბები