ადელაიდაში მიმდინარე WTA-ს 500-ანი რანგის ტურნირზე მეორე ნახევარფინალური მატჩი გაიმართა და ფინალის საგზური ბელინდა ბენჩიჩმა მოიპოვა.

ტურნირზე მეორე ნომრად განთესილმა შვეიცარიელმა ჩოგბურთელმა 16 წლის ამერიკელი, კორი გაუფი სამ სეტში, არც თუ მარტივ დაპირისპირებაში დაამარცხა. პირველ ორ სეტში გამარჯვებულის ვინაობა ტაიბრეიკებში გაირკვა. ხოლო, გადამწყვეტ, მესამე პარტიაში ბენჩიჩმა თინეიჯერი ჩოგბურთელი 6:2 დაამარცხა.

An 11th WTA final 🙌

Hard-fought 7-6(2), 6-7(4), 6-2 win for No.2 seed @BelindaBencic, who will face Swiatek for the #AdelaideTennis title! pic.twitter.com/1Fd9kgxc2S
— wta (@WTA) February 26, 2021

შეგახსენებთ, რომ ბენჩიჩი ადელაიდას ტურნირს მერვედფინალიდან ჩაერთო და მისი პირველი მეტოქე მისაკი დოი იყო, რომელიც ბელინდამ მარტივად, ორ სეტში დაამარცხა. მეოთხედფინალში კი შვეიცარიელმა ასევე, ორ სეტში შტორმ სანდერსს სძლია.

WTA-ს რეიტინგის მე-12 ჩოგანის მეტოქე ფინალურ დაპირისპირებაში გასული წლის როლან გაროსის ჩემპიონი, იგა შვიონტეკი იქნება, რომელმაც ნახევარფინალში ჯილ ბელენ ტიჩმანი დაამარცხა და გადამწყვეტ მატჩამდე სეტის წაუგებლად მივიდა.

ფინალური მატჩი 28 თებერვალს გაიმართება და თბილისის დროით დილის 04:30 საათზე დაიწყება.

ბელინდა ბენჩიჩი ფინალშია

ბელინდა ბენჩიჩმა კოკო გაუფი დაამარცხა

შვეიცარიელი ფინალში იგა შვიონტეკს შეხვდება

უახლესი ამბები