ATP-მ მამაკაცთა ერთეულთა თანრიგის განახლებული რეიტინგი გამოაქვეყნა, რომელსაც სათავეში კვლავ სერბი ჩოგბურთელი, ნოვაკ ჯოკოვიჩი უდგას.

როგორც მოგეხსენებათ, კორონავირუსის პანდემიის გამო, სარეიტინგო ქულები გასული წლის მარტში გაიყინა და ეს გადაწყვეტილება ძალაში 2022 წლის მარტამდე იქნება, რაც იმას ნიშნავს, რომ ჩოგბურთელებს ქულების დაცვა არ მოუწევთ და ქულები მხოლოდ შემთხვევაში დაემატებათ თუ წინა ტურნირზე დაფიქსირებულ შედეგს გააუმჯობესებენ.

ამგვარად, განახლებულ რეიტინგის პირველ ათეულში ცვლილებები არ შესულა და რეიტინგს კვლავ ნოვაკ ჯოკოვიჩი ლიდერობს, რომელიც პირველი ჩოგნის სტატუსით 310-ე კვირას იწყებს და ამ მიღწევით ნოლემ როჯერ ფედერერის რეკორდი გაიმეორა. ხოლო, მომავალ კვირას ის ამ რეკორდს გააუმჯობესებს. აქვე შეგახსენებთ, რომ სერბმა თებერვალში ავსტრალიის ღია პირველობა მოიგო და დიდი მუზარადის ტიტულების რაოდენობა 18-მდე გაზარდა. 20-20 აქვთ რაფაელ ნადალსა და როჯერ ფედერერს.

რაც შეეხება საქართველოს საუკეთესო ჩოგბურთელს, მიუხედავად იმისა, რომ ნიკოლოზ ბასილაშვილი თითქმის ერთი წელია საუკეთესო ფორმისგან ძალიან შორის არის და ეს მის შედეგებზეც აისახება, ის კვლავ 40-ე ჩოგანია და რეიტინგში არ დაქვეითებულა.

საუკეთესო ათეული კი ასე გამოიყურება:

1. ნოვაკ ჯოკოვიჩი - 12030 ქულა

2. რაფაელ ნადალი - 9850 ქულა

3. დანილ მედვედევი - 9735 ქულა

4. დომინიკ ტიმი - 9125 ქულა

5. როჯერ ფედერერი - 6630 ქულა

6. სტეფანოს ციციპასი - 6595 ქულა

7. ალექსანდრ ზვერევი - 5615 ქულა

8. ანდრეი რუბლიოვი - 4609 ქულა

9-10. დიეგო შვარცმანი - 3480 ქულა

9-10. მატეო ბერეტინი - 3480 ქულა

ჯოკოვიჩმა ფედერერის რეკორდი გაიმეორა

ATP-მ განახლებული რეიტინგი გამოაქვეყნა

ნოვაკმა პირველი ჩოგბნის რანგში 310-ე კვირა დაიწყო

უახლესი ამბები