1 მარტს, როტერდამში ATP-ს 500-ანი რანგის ტურნირი ნიკოლოზ ბასილაშვილისა და კამერონ ნორის დაპირისპირებით დაიწყო, რომელიც ჩვენდა სამწუხაროდ, ქართველი ჩოგბურთელისთვის მორიგი წარუმატებლობით დასრულდა.

1/16-ფინალში ბასილაშვილმა ATP-ს მსოფლიო რეიტინგის 65-ე ჩოგანთან შეხვედრა ორ სეტში დათმო. პირველ პარტიაში ნიკოლოზმა გეიმის მოგებაც კი ვერ შეძლო და შესაბამისად, 0:6 დამარცხდა.

We can see you’ve made yourself quite comfortable already, @cam_norrie!

On his first visit to the #abnamrowtt, Norrie is now 6️⃣ for 6️⃣ in sets played.

After qualifying convincingly, the world No. 65 downs Basilashvili: 6-0 6-3. 👏🏻 pic.twitter.com/iNY4myC3bd
— ABN AMRO WTT (@abnamrowtt) March 1, 2021

მეორე სეტი ჩვენებურმა შედარებით უკეთესად დაიწყო, მეტოქის ჩაწოდებაც მოიგო და სეტი 3:1 წაიყვანა, თუმცა საქართველოს პირველმა ჩოგანმა უპირატესობა ვერ შეინარჩუნდა, დარჩენილი ყველა გათამაშება დათმო და მიმდინარე სეზონში ზედიზედ მე-5 შეხვედრა წააგო.

შეგახსენებთ, რომ ნიკოლოზ ბასილაშვილმა 2021 წელი კარგად დაიწყო. პირველი ტურნირი, რომელზეც ქართველი გამოვიდა ანტალიაში იყო, საწყისი ორი შეხვედრა მოიგო და მეოთხედფინალში ალექს დე მინორთან დამარცხდა, რასაც ხსენებული წაგებათა სერია მოყვა.

ანტალიის შემდეგ, ბასილაშვილი მელბურნი 1-ის, ავსტრალიის ღია პირველობის, მონპელიესა და როტერდამის ტურნირებს პირველივე წრიდან გამოეთიშა.

რაც შეეხება კამერონ ნორის, ბრიტანელი მერვედფინალში სტენ ვავრინკასა და კარენ ხაჩანოვს შორის გამარჯვებულს შეხვდება.

ისევ მარცხი - ნიკოლოზ ბასილაშვილი როტერდამის ტურნირიდან გავარდა

ბასილაშვილმა ზედიზედ მე-5 შეხვედრა წააგო

ნიკოლოზი კამერონ ნორისთან დამარცხდა

უახლესი ამბები