ზედიზედ მესამედ - ბუბლიკმა ტოპ 10-ის ჩოგბურთელი დაამარცხა

როტერდამში მიმდინარე ATP-ს 500-ანი რანგის ტურნირის პირველ წრეში მსოფლიო რეიტინგის 43-ე ჩოგანი, ალექსანდრ ბუბლიკი მე-7 ჩოგანს, ალექსანდრ ზვერევს დაუპირისპირდა და გერმანელი ორ სეტში - 7:5; 6:3 დაამარცხა. 

აღსანიშნავია, რომ ყაზახი ჩოგბურთელი ორივე სეტის მსვლელობისას ბრეიქით მარცხდებოდა, თუმცა ორივე შემთხვევაში გამარჯვება მას დარჩა, მატჩი მოიგო და ტოპ 1-ის წარმომადგენელთან ზედიზედ მესამე გამარჯვება იზეიმა.

Looks like this Alexander might be up to something. 😏

Bublik has come back from a break down in both sets and is now 🆙: 7-5 4-3. #abnamrowtt pic.twitter.com/H75khWMJLR

— ABN AMRO WTT (@abnamrowtt) March 3, 2021

აღსანიშნავია ის ფაქტიც, რომ მანამდე ბუბლიკს საუკეთესო ათეულის ჩოგბურთელებთან ზედიზედ ხუთი მატჩი ჰქონდა წაგებული. თუმცა, დღეს, 3 მარტს, ყაზახმა ბოლოდროინდელი სტატისტიკა საგრძნობლად გამოასწორა. ზვერევი კი ყველაზე მაღალრეიტინგული მოთამაშე გახდა, რომლის წინააღმდეგაც 43-ე ჩოგანმა იმარჯვა.

მერვედფინალში ალექსანდრ ბუბლიკის მეტოქე ტომი პოლი იქნება, რომელმაც თავის მხრივ ლორენცო სონეგო 6:4; 7:6 დაამარცხა და გათამაშებას გამოთიშა. აქამდე, ბუბლიკი და პოლი ერთმანეთს სამჯერ შეხვედრიან და ურთიერთ დაპირისპირებებში უპირატესობა (2:1) ამერიკელის სასარგებლოდ არის.

შეგახსენებთ, რომ ამავე ტურნირზე ნიკოლოზ ბასილაშვილიც გამოდიოდა, რომელიც სამწუხაროდ, პირველივე წრეში კამერონ ნორისთან დამარცხდა.