დოჰაში მიმდინარე 250-იანი რანგის ტურნირზე ნიკოლოზ ბასილაშვილმა დიდი მუზარადების 20-გზის ჩემპიონი, როჯერ ფედერერი სამ სეტში დაამარცხა.

ქართველმა ჩოგბურთელმა 5-მატჩიანი წაგებათა სერიის შემდეგ, დოჰაში ზედიზედ მესამე მატჩი მოიგო. ბასილაშვილმა შვეიცარიელტან პირველი სეტი 3:6 დათმო, თუმცა შემდეგ, თამაშის შემობრუნება შეძლო. მეორე პარტიაში ნიკოლოზმა ყველასთვის მოულოდნელად როჯერს სეტი 6:1 მოუგო.

გადამწყვეტ სეტში კი ნიკოლოზ ბასილაშვილმა ყველაზე საჭირო მომენტში შეძლო გეიმის მოგება. მე-12 გეიმში ბასილაშვილმა მატჩბოლი გადაარჩინა და ბრეიქი შეასრულა. შემდეგ კი ბოლო გათამაშებაც მოიგო და ნახევარფინალში გავიდა.

“დაუჯერებელია, ის ყველა დროის ერთ-ერთი საუკეთესო ჩოგბურთელია. ჩემთვის მასთან უბრალოდ თამაშიც კი ძალიან ბევრს ნიშნავს. ძალიან ბედნიერი ვარ, რომ როჯერ ფედერერი კორტზე დაბრუნდა. მის წინააღმდეგ მოგებით ოცნება ამიხდა. ის არაჩევულებრივი, დაუჯერებლად კარგი ჩოგბურთელია და ძალიან გახარებული ვარ. იყო ყოველთვის ჩემი კერპი იყო“, - თქვა ბასილაშვილმა.

ნიკოლოზ ბასილაშვილი: “ოცნება ამიხდა“

ბასილაშვილის პირველი კომენტარი

ასევე იხილეთ

უახლესი ამბები