2021 წლის 11 მარტი ქართული სპორტის ისტორიაში ოქროს ასოებით შევა.

ნიკოლოზ ბასილაშვილმა დოჰას 500-იანი მასტერის მეოთხედფინალურ შეხვედრაში, დიდი სლემის 20-გზის გამარჯვებული შვეიცარიელი, როჯერ ფედერერი დაამარცხა.

ისტორიული გამარჯვების შემდეგ, Croco.ge ბასილაშვილის მამას დაუკავშირდა და მცირე კომენტარი ჩამოართვა:

“როჯერ ფედერერი ნიკას კერპი იყო და მის დონეზე მისვლას ვერავინ იფიქრებდა. ჯერ ისევ ემოციების ქვეშ ვარ. მამისთვის ძალიან დიდი ბედნიერებაა, როდესაც შენი შვილი ამარცხებს ისეთ სპორტსმენს, რომელიც შენთვის ყველაფერში მისაბაძია.

კარგად ცნობილი ფაქტია, რომ ნიკას რთული პერიოდი აქვს და ტურნირებისთვის კარგად ვერ ემზადება - ეს გამარჯვება მას უფრო დიდი შედეგების დაფიქსირებაში დაეხმარება“, - თქვა ნოდარ ბასილაშვილმა.

ნოდარ ბასილაშვილი: “მამისთვის ძალიან დიდი ბედნიერებაა“

ბასილაშვილმა ფედერერი დაამარცხა

ასევე იხილეთ

უახლესი ამბები