ქართველმა ჩოგბურთელმა, ნიკოლოზ ბასილაშვილმა დოჰას მასტერსის ფინალში გასვლის შემდეგ, კომენტარი გააკეთა.

“პანდემიის პერიოდში საკმაოდ რთული პერიოდი მქონდა, კარგად ვერ ვთამაშობდი და ამიტომ, ფინალში ყოფნა ბევრს ნიშნავს. ახლა ნამდვილად კარგად ვთამაშობ და კმაყოფილი ვარ ჩემი ფორმით. მშვიდად ვარ და ფინალს ველოდები.

ნამდვილად კარგია, რომ აქ შეხვედრებს მაყურებელი ესწრება, დიდხანს არ გვქონდა ეს სიამოვნება. რასაკვირველია, ყველასთვის მძიმე პერიოდია და იმედი მაქვს, ნორმალურ ვითარებას მალე დავუბრუნდებით და ჩოგბურთს სასიამოვნო ატმოსფეროში ვითამაშებთ.

მეტოქე? ის ძალიან კარგი ჩოგბურთელია და შესანიშნავად თამაშობს“, - თქვა მან.

შეგახსენებთ, ბასილაშვილმა მეოთხედფინალში როჯერ ფედერერი დაჯაბნა, ხოლო ნახევარფინალში ტეილორ ფრიტცი დაამარცხა.

ნიკოლოზ ბასილაშვილი: “კარგად ვთამაშობ“

ბასილაშვილი დოჰას მასტერსის ფინალშია

ასევე იხილეთ

უახლესი ამბები