დოჰას ტურნირის ფინალში ნიკოლოზ ბასილაშვილმა ბაუტისტა-აგუტი დაამარცხა და ჩემპიონობა იზეიმა.

ქართველმა ჩოგბურთელმა ორგანიზატორებს მადლობა გადაუხადა და ბოლოს შვილს ქართულად მიმართა.

“ლუკას, მამიკო, მინდა დაიმახსოვრო, შენ ხარ ჩემთვის ყველაზე ძვირფასი ადამიანი, მიყვარხარ და მენატრები. მინდა მადლობა გადავუხადო გულშემატკივრებს საქართველოში, დიდი მადლობა გვერდით დგომისთვის“, - თქვა მან.

წარმატებისკენ მიმავალ გზაზე ნიკოლოზის მიმართ არაერთი განცხადება გაკეთდა. ყოფილ ცოლთან არსებული სასამართლო დავის ფონზე მისი ტურნირიდან მოხსნის მოთხოვნაც კი გაჟღერდა.

საზოგადოებისთვის ცნობილია, ნიკოლოზ ბასილაშვილს ერთადერთი ვაჟი, ლუკასი ჰყავს, რომელიც დედასთან, ნელი (ნეკა) დოროყაშვილთან იზრდება.

წყვილი სკანდალურად დაშორდა ერთმანეთს. ცოლმა ის ძალადობაში დაადანაშაულა, რის მერეც ჩოგბურთელი დააკავეს კიდეც, თუმცა ბასილაშვილი სასამართლომ გირაოთი გაათავისუფლა. თავად ბასილაშვილი თავს უდანაშაულოდ მიიჩნევს.

ნეკას ადვოკატმა საფინალო განცხადების შემდეგ, კომენტარი სოციალურ ქსელში გააკეთა:

“ამას არ დავწერდი ნამდვილად, რომ არა ბასილაშვილის ეპატაჟური სიტყვა შვილის შესახებ. მას შვილისთვის წელიწად-ნახევარია ალიმენტი არ გადაუხდია. უფრო მეტიც, საკუთარ შვილს სახლს ართმევს სასამართლოს გზით", - დაწერა ანა აბაშიძემ.

“ის შვილს სახლს ართმევს...“

ბასილაშვილის ყოფილი ცოლის ადვოკატის განცხადება

ასევე იხილეთ

უახლესი ამბები