ლეგენდარული შვედი ჩოგბურთელის, ბიორნ ბორგის ვაჟმა, 17 წლის ლეომ Wild Card-ი მიიღო მარბელაში, Andalucia Open-ის საკვალიფიკაციო ეტაპზე ითამაშებს - ინფორმაციას ATP-ს ოფიციალური ვებ-გვერდი ავრცელებს.

თინეიჯერი ჩოგბურთელისთვის ATP-ს რანგის ტურნირზე ეს სადებიუტო გამოსვლა იქნება. ერთი კვირით ადრე კი ლეო ჩელენჯერის ტურნირს ითამაშებს, რომელიც ასევე, მარბელაში "Puerto Romano"-ს საჩოგბურთო კლუბში გაიმართება. Andalucia Open კი სტარტს 5 აპრილს აიღებს და ერთი კვირა გაგრძელდება.

ლეო ბორგს ჩოგბურთში პროფესიონალური დებიუტი მიმდინარე წლის თებერვალში, ბერგამოში გამართულ ჩელენჯერის ტურნირზე ჰქონდა, სადაც ის ჯუნიორებს შორის ყოფილ პერველ ჩოგანთან, ჩუნ-სინ ჩენგთან დამარცხდა. ამ ეტაპზე, შვედი ჩოგბურთელი, პორტო ალეგრიში მოგებული ტურნირის - Grade 1-ის შემდეგ, ახალაგაზრდებს შორის მე-12 ჩოგანია.

შეგახსენებთ, რომ ლეოს მამა 70-ანი წლების გამორჩეული ჩოგბურთელი გახლდათ. ბიორნ ბორგი ATP-რეიტინგის ყოფილი პირველი ჩოგანია და მის აქტივში დიდი მუზარადის 11 ტიტულია (6 როლან გაროსი და 5 უიმბლდონი). ასევე, ლეგენდარული შვედი აშშ-ის ღია პირველობის 4-გზის ფინალისტია.

Hi Leo! Welcome to the Challenger 80 main draw and the qualifying of the ATP 250 tournament. 👋#andaluciaopen @ATPChallenger @ATPTour_ES pic.twitter.com/JusJvSx2aH
— AnyTech365 Andalucía Open (@AndaluciaOpen) March 16, 2021

ლეო ბორგმა Andalucia Open-ზე Wild Card-ი მიიღო

ლეო ბორგი ATP-ს რანგის ტურნირზე პირველად ითამაშებს

ასევე იხილეთ

უახლესი ამბები