კალიარიში დაწყებულ სარდინიის ღია პირველობაზე ნიკოლოზ ბასილაშვილი მორიგ მეტოქეს შეხვდა.

ქართველი ჩოგბურთელი მეოთხედფინალში გერმანელ იან-ლენარდ შტურფს შეხვდა. მატჩი დაძაბული და სამსეტიანი გამოდგა, თუმცა საბოლოოდ საქართველოს პირველმა ჩოგანმა მოიგო და კალიარის ტურნირის ნახევარფინალში გავიდა.

ნიკამ პირველი სეტი დაძაბულ ბრძოლაში მოიგო - 5:7.

მეორე სეტი პირველის მსაგავსად საინტერესო გამოდგა. თუმცა ამჯერად გერმანელმა ჩოგბურთელმა სეტებში ანგარიში გაათანაბრა და 6:4 მოიგო.

გადამწყვეტ მესამე სეტში კი, შტურფმა ნიკას წინააღმდეგობა ვერ გაუწია და დამარცხდა 3:6. ქართველმა ჩოგბურთელმა მეტოქეს მისივე პირველი ორი ჩაწოდება მოუგო და 3:0 დაწინაურდა. მიუხედავად იმისა, რომ შტრუფმა ერთი ბრეიქის აღება თავადაც შეძლო, ნიკამ დამაჯერებლად ითამაშა და საბოლოოდ მატჩი სწორედ გერმანელი მეტოქის ჩაწოდებაზე მოიგო.

ნახევარფინალში ქართველი ჩოგბურთელის მეტოქე ტურნირის მოქმედი ჩემპიონი, სერბი, ლასლო ჯერე იქნება. აღსანიშნვია, რომ აქამდე ბასილაშვილი და ჯერე ერთმანეთს ოთჯერ დაუპირისპირდნენ და ოთხჯერვე თიხის საფარზე. 2015 წელს ნიკამ სერბ ჩოგბურთელს როლან გაროსის საკვალიფიკაციო ეტაპზე მოუგო, 2018 და 2019 წლებში კი კიცბუელსა და ბუდაპეშტში დამარცხდა. ბოლოს ისინი ერთმანეთს 2019 წელს, რომის მასტერსზე დაუპისირპირდნენ, სადაც ბასილაშვილმა ორ სეტში, ანგარიშით 7:5; 6:4 მოიგო.

ტურნირი ATP 250-ის რანგისაა და მისი საპრიზო ფონდი 408 800 ევროს შეადგენს.

ბასილაშვილი კალიარის ტურნირის ნახევარფინალშია!

ბასილაშვილი გერმანელ მეტოქეს შეხვდა

ასევე იხილეთ

უახლესი ამბები