ფორმულა 1-ის წამყვანი სერენაზე ნათქვამისთვის უმუშევარი დარჩა

ბელგიურმა ტელეარხმა RTBF-მა ფორმულა 1-ის ბელგიელი წამყვანის, მარკ დუესის მხრიდან დიდი სლემის 23-გზის ტრიუმფატორ სერენა ულიამსის მისამართით ნათქვამი ახლაღა გაათვითცნობიერა და თავის ღვაწლმოსილ წამყვანი საქმიანობას ჩამოაშორა.

საქმე ის არის, რომ მონაკოს დიდ პრიზზე ბრიტანულმა ასტონ მარტინმა თავის საჯინიბოში სერენა უილიამსი დაპატიჟა, მოგვიანებით კი რბოლის დასრულების აღსანიშნავად ჭადრაკისებრი ალმის აფრიალების პატივიც ერგო, რაზეც RTBF-ის წამყვანმა აღნიშნა: „სერენა უილიამსი დღეს რაღაც სხვას გაიქნევს.“ მოგვიანებით კი დასძინა, რომ უილიამსი აშკარად არ არის ჩირლიდერი, ხოლო მის ერთ-ერთ დაქალს „სიმახინჯე“ უწოდა.

Sport1-ის ცნობით, ტელეარხმა დუესი სამუშაოს დროებით ჩამოაშორა. ბელგიელმაც არ დააყოვნა და ბოდიში მოიხადა: „მინდა ბოდიში მოვუხადო ადამიანებს, რომლებსაც ჩემი გამონათქვამების გამო გული ვატკინე. არავის შოკირება არ მინდოდა.“

64 წლის მარკ დუესი ყოფილი მრბოლია და ოთხჯერ აქვს მოგებული ნიურბურგრინგის 24-საათიანი რბოლა.

A sporting great waved the chequered flag in Sunday's race 🏁

Top job, @serenawilliams 👏👏👏 #MonacoGP 🇲🇨 #F1 pic.twitter.com/LFbvJES6gK

— Formula 1 (@F1) May 23, 2021