დიდი სლემის 23-გზის ტრიუმფატორი, სერენა უილიამსი როლან გაროსზე მესამე ჯილდოს მოპოვების შესაძლებლობას დაემშვიდობა.

ტიტულოსანი ამერიკელი ყაზახეთის წარმომადგენელ ელენა რიბაკინასთან (22) მეოთხე წრის შეხვედრაში საკმაოდ მალე, ორ სეტში - 3-6, 5-7 დამარცხდა.

სერენამ (8) რიბაკინასთან ორი ეისი მოაწოდა, ერთი ორმაგი შეცდომა დაუშვა და 5-დან 3 ბრეიკ პოინტი შეასრულა. ყაზახი ჩოგბურთელის ანგარიშზე 4 ეისი, ამდენივე ორმაგი შეცდომა და 7-დან 5 რეალიზებული ბრეიკ პოინტია.

მეოთხედფინალში გასულ ელენა რიბაკინას მეტოქედ რუსი ანასტასია პავლიუჩენკოვა (32) ეყოლება, რომელმაც თავის მხრივ, ბელარუსი ვიქტორია აზარენკა (16) 5-7, 6-3, 6-2 დაამარცხა.

დღესვე როლან გაროსის გათამაშებას ჩაეხსნა კაცებში 20-გზის დიდი სლემის გამარჯვებული შვეიცარიელი როჯერ ფედერერი.

See you soon, @serenawilliams

Thank you for continuing to inspire us 💕 https://t.co/3BpC9o6xV1
— wta (@WTA) June 6, 2021

როლან გაროსს სერენა უილიამსი გამოეთიშა

უილიამსი ყაზახეთის წარმომადგენელ ელენა რიბაკინასთან მეოთხე წრის შეხვედრაში საკმაოდ მალე დამარცხდა

უახლესი ამბები