პარიზში მიმდინარე როლან გაროსზე შერეულ წყვილთა თანრიგში ჩემპიონები გამოვლინდნენ. ამერიკელმა დეზარეი კრავჩეკმა და ბრიტანელმა ჯო სოლსბერიმ სამსეტიან დაპირისპირებაში რუსული დუეტი, ელენა ვესნინასა და ასლან კარაცევის შემადგენლობით დაამარცხეს.

მატჩი, რომელიც ერთ საათსა და 17 წუთს გაგრძელდა, პირველი სეტი რუსების გამარჯვებით დასრულდა. ვესნინა-კარაცევის წყვილმა მეტოქეს ორი ჩაწოდება აუღეს და პარტია მარტივად მოიგეს, თუმცა შემდეგ სეტში ბრიტანელ-ამერიკელმა ოპონენტებს მე-9 გეიმში მოწოდება მოუგეს და გადამწყვეტ გათამაშებაში მესამე სეტ პოინტით ანგარიში გაათანაბრეს.

გადამწყვეტ სუპერ ტაი ბრეიქში სეტში კი, რომელიც 10 ქულის მოგებამდე გრძელდებოდა, კრავჩეკმა და სოლსბერიმ აგრესიულად დაიწყეს, ორი მინი ბრეიქი დაწინაურდნენ და სოლიდური უპირატესობა შეიქმენს რაც თავის სასარგებლოდ წარმატებით გამოიყენეს და როლან გაროსის ტრიუმფატორები გახდნენ.

When your first addition to the mixed doubles trophy cabinet is a Grand Slam title 😎

Soak it up @desiraekrawczyk and @joesalisbury92!#RolandGarros pic.twitter.com/sLDSA5RJ5Z
— Roland-Garros (@rolandgarros) June 10, 2021

აღსანიშნავია, რომ ბრიტანელმა ჩოგბურთელმა როლან გაროსი 39-წლიანი პაუზის შემდეგ მოიგო, თავად სოლსბერისთვის კი გრანდ სლემის ტიტული კარიერაში მეორეა. გასულ წელს ის ვაჟების წყვილთა თანრიგში ავსტრალიის ღია პირველობის ჩემპიონი გახდა. ხოლო, დეზარეი კრავჩეკისთვის კი დიდი მუზარადის ტიტული პირველია.

შეგახსენებთ, რომ საჩემპიონო გზაზე ბრიტანელმა და ამერიკელმა ჩოგბურთელებმა პირველ წრეში მე-4 ნომრად განთესილი ხუ - სოარეშის წყვილი დაამარცხეს, ხოლო მომდევნო რაუნდში იურაკისა და ფარას დუეტს სძლიეს. ნახევარფინალში კი ოლმოსისა და კაბალის წყვილთან უბრძოლველი მოგება მიითვალეს და საბოლოოდ ტიტულსაც დაეუფლნენ.

Britain’s Joe Salisbury claims French Open mixed doubles with Krawczyk https://t.co/NLPa7UALM1
— The Guardian (@guardian) June 10, 2021

როლან გაროსი - შერეულ წყვილებში ჩემპიონები გამოვლინდნენ

კრავჩეკმა და სოლსბერიმ როლან გაროსი მოიგეს

ბრიტანელის ტრიუმფი 39 წლის შემდეგ

უახლესი ამბები