პოლონეთის გდინიაში მიმდინარე ღია პირველობაზე ეკატერინე გორგოძე წარმატებულს სვლას აგრძელებს.

ქართველი ჩოგბურთელი, რომელიც ასპარეზში კვალიფიკაციიდან ჩაერთო, ზედიზედ მესამე შეხვედრა მოიგო. გორგოძემ (208) ამერიკელი ვარვარა ლეპჩენკოს (154) ბარიერი ორ სეტში - 7-6 (7-5), 6-2 გადალახა და კარიერაში პირველად მეოთხედფინალში ასპარეზობის უფლება მოიპოვა.

აღსანიშნავია, რომ ქართველისა და ამერიკელის გზები მეორედ გადაიკვეთა. პირველად ეს 2019 წლის აპრილში შტუტგარტის ტურნირზე მოხდა, რომელიც ასევე ქართველის გამარჯვებით დასრულდა.

გორგოძე მეოთხედფინალში სლოვაკ კრისტინა კუჩოვას (150) და რუმინელ ირინა მარია ბარას (116) წყვილში გამარჯვებულს შეხვდება.

Godz Mode 🔛

🇬🇪 Ekaterine Gorgodze continues her breakthrough week in Gdynia to reach her first WTA singles quarterfinal!#PolandOpen pic.twitter.com/f9mGuGE3gu
— wta (@WTA) July 22, 2021

კარიერაში პირველად - გორგოძე მეოთხედფინალშია

ასევე იხილეთ

უახლესი ამბები