საქართველოს ნომერ პირველმა ჩოგანმა, ნიკოლოზ ბასილაშვილმა მეცის ტურნირზე პირველი შეხვედრა ჩაატარა.

მისი პირველი მეტოქე კი იტალიელი ჯანლუკა მაგერი იყო, რომელიც ATP-ს რეიტინგში 66-ე პოზიციას იკავებს.

ბასილაშვილმა აპენინელი მეტოქე პირველ სეტში მარტივად დაჯაბნა - 6:3. მეორე სეტში ნიკოლოზს მეტოქე გაუძალიანდა, თუმცა მისი დამარცხება მაინც მოახერხა - 7:6.

ტურნირის საპრიზო ფონდი 586,140 ევრო გახლავთ. 2016 წლიდან მოყოლებული, ნიკოლოზ ბასილაშვილს MOSELLE OPEN-ის გათამაშება არ გამოუტოვებია. მას საუკეთესო მაჩვენებელი 2017-ში ჰქონდა, როცა ნახევარფინალში გააღწია, სადაც ბენუა პერთან დამარცხდა.

2018 და 2019 წლებში კი მეოთხედფინალში გააღწია. გასულ წელს კი ტურნირი კორონავირუსისგან გამოწვეული პანდემიის გამო არ გამართულა.

ბასილაშვილმა მეცის ტურნირი მოგებით დაიწყო

ბასილაშვილის მეტოქე იტალიელი ჩოგბურთელი იყო

ასევე იხილეთ

უახლესი ამბები