ოფიციალურად დადასტურდა, რომ WTA-ს მსოფლიო რეიტინგის მეხუთე ჩოგანი, ნაომი ოსაკა სეზონის ერთ-ერთ პრესტიჟულ ტურნირზე, ინდიან-უელსის გათამაშებაში მონაწილეობას არ მიიღებს.

US Open-ზე განცდილი მარცხის შემდეგ, იაპონელმა ჩოგბურთელმა განაცხადა, რომ ფსიქოლოგიური პრობლემების გამო, კარიერაში მცირე პაუზის აღება გადაწყვიტა, თუმცა უცნობია, როდემდე არ აპირებს კორტზე გამოსვლას დიდი მუზარადების 4-გზის ჩემპიონი.

აშშ-ის ღია პირველობას ნაომი 1/16-ფინალიდან გამოეთიშა. მანამდე კი ოსაკამ ცინცინატის ტურნირზე მეორე რაუნდი ვერ დაძლია. ხოლო, ზაფხულში საშინაო კორტებზე ოლიმპიური თამაშების მხოლოდ ორი წრის დაძლევა შეძლო.

დავძენთ, რომ ინდიან-უელსის 1000-იანი კატეგორიის ტურნირი სტარტს 4 ოქტომბერს აიღებს და 11 ოქტომბერს დასრულდება. შეგახსენებთ, აღნიშნული ტურნირი ნაომი ოსაკას 2019 წელს აქვს მოგებული.

2018 Champion Naomi Osaka has withdrawn from #BNPPO21.

We look forward to seeing you in 2022, Naomi 💚🌴 pic.twitter.com/Sz6tCZ7wdI
— BNP Paribas Open (@BNPPARIBASOPEN) September 22, 2021

ოსაკა ინდიან-უელსის ტურნირს მოეხსნა

იაპონელ ჩოგბურთელს ფსიქოლოგიური პრობლემები აქვს

ასევე იხილეთ

უახლესი ამბები