ქართველი ჩოგბურთელი ნიკოლოზ ბასილაშვილი მეცის ტურნირის მეოთხედფინალში გაელ მონფილს დაუპირისპირდა.

სამწუხაროდ ნიკამ ფრანგ მეტოქეს ვერაფერი დაუპირისპირა და 2 სეტში დამარცხდა - 3:6, 3:6.

ბასილაშვილი მეცის ტურნირის მერვედფინალში ალეხანდრო დავიდოვიჩ ფოკინას შეხვდა.

ფავორიტად მიჩნეულმა ნიკოლოზმა პირველი სეტი პირწმინდად დათმო 0:6. მეორე სეტის დაწყებამდე კი, მან ექიმი მოითხოვა და რამდენიმე წუთიანი კონსულტაციის შემდეგ, ასპარეზობა გააგრძელა. ბასილაშვილმა მეორე სეტი 6:4 მოიგო.

გადამწყვეტ მესამე სეტში ესპანელმა კარგად დაიწყო, მაგრამ ბასილაშვილმა გამარჯვება მაინც მოახერხა 7:6.

შეგახსენებთ, ქართველმა ჩოგბურთელმა პირველ შეხვედრაში იტალიელი ჯანლუკა მაგერის წინააღმდეგ იასპარეზა. ბასილაშვილმა აპენინელი მეტოქე პირველ სეტში მარტივად დაჯაბნა - 6:3. მეორე სეტში ნიკოლოზს მეტოქე გაუძალიანდა, თუმცა მისი დამარცხება მაინც მოახერხა - 7:6.

Moselle Open-ის საპრიზო ფონდი 586,140 ევრო გახლავთ. ნიკოლოზ ბასილაშვილს MOSELLE OPEN-ის გათამაშება არ გამოუტოვებია. მას საუკეთესო მაჩვენებელი 2017-ში ჰქონდა, როცა ნახევარფინალში გააღწია, სადაც ბენუა პერთან დამარცხდა.

2018 და 2019 წლებში კი მეოთხედფინალში გააღწია. გასულ წელს კი ტურნირი კორონავირუსისგან გამოწვეული პანდემიის გამო არ გამართულა.

ბასილაშვილი მეცის ტურნირს გამოეთიშა

ბასილაშვილი მონფილს შეხვდა

ასევე იხილეთ

უახლესი ამბები