გუშინ 23 წლის ქართველმა ჩოგბურთელმა, მარიამ ბოლქვაძემ (WTA 188) ჩიკაგო 2–ის საკვალიფიკაციო ეტაპის ნახევარფინალურ ეტაპზე, ჩილელი მეტოქის –ბარბარა გატიკას (WTA 353) წინააღმდეგ იასპარეზა და საკმაოდ მარტივი გამარჯვება ორ სეტში (6:2, 6:1) მოიპოვა. მარიამი მასთან ფავორიტად მიიჩნეოდა და მან ეს სტატუსი გაამართლა.

დღეს კი ფინალში ბოლქვაძის წინააღმდეგ 22 წლის რუსი, ანა კალინსკაია (WTA 141) გამოვიდა. ხსენებული ჩოგბურთელები კორტზე ერთმანეთს დღეს პირველად შეხვდნენ. ისინი ტურნირის ძირითად ბადეში მოსახვედრად იბრძოდნენ.

პირველი სეტი რუსმა ჩოგბურთელმა 6:2 მოიგო. მეორე სეტში კი კალინსკაიამ 6:1 იმარჯვა. ანას მარიამის დამარცხება არ გასჭირვებია და ჩიკაგო 2–ის ძირითად ბადეში თამაშის უფლებაც მოიპოვა.

შეგახსენებთ, რომ მარიამმა რამდენიმე დღის წინ, კოლუმბუსის ჩელენჯერზეც ითამაშა. პირველ შეხვედრაში მან იაპონელი ნარა კურუმი ორ სეტში დაამარცხა, ხოლო შემდეგ, მერვედფინალში ჩინელ ჟინიუ ვანგთან სამ სეტიან დაპირისპირებაში დამარცხდა.

ბოლქვაძე რუს მეტოქესთან დამარცხდა

ბოლქვაძე რუს მეტოქეს დაუპირისპირდა

ასევე იხილეთ

უახლესი ამბები