საქართველოს საუკეთესო ჩოგბურთელი, ნიკოლოზ ბასილაშვილი, რომელიც ATP-ის რეიტინგში 36-ე პოზიციას იკავებდა, წინ ორი საფეხურით წაიწია და ამ მომენტისთვის მსოფლიოს 34-ე ჩოგანი გახლავთ. მას 1578 ქულა უფიქსირდება.

ნიკოლოზის კარიერაში, საუკეთესო მაჩვენებელი 2019 წლის მაისში მე-16 ადგილი გახლდათ. ქართველმა ჩოგბურთელმა განახლებულ კლასიფიკაციაში სერბი დუსან ლაიოვიჩი და ყაზახეთის სახელით მოასპარეზე ალექსანდრ ბუბლიკი ჩამოიტოვა.

Moving into 8th place 👀

🇵🇱 @HubertHurkacz gains a crucial 250 points in the @fedex ATP Race To Turin after winning the @MoselleOpen 🏆#NittoATPFinals pic.twitter.com/nNXYQnSM2o
— ATP Tour (@atptour) September 27, 2021

ნოვაკ ჯოკოვიჩი კვლავ პირველია. მას დანილ მედვედევი მოჰყვება, ხოლო სამეულს ბერძენი სტეფანოს ციციპასი ხურავს. შეგახსენებთ, რომ გასულ კვირას, ნიკოლოზმა საფრანგეთში მეცის ტურნირზე იასპარეზა, სადაც მეოთხედფინალში გააღწია.

ახლა კი ის სან დიეგოს ტურნირზე გამოსასვლელად ემზადება, სადაც პირველ მატჩს იტალიელი ლორენცო სონეგოს წინააღმდეგ ჩაატარებს, რომელსაც ბასილაშვილი აქამდე ორჯერ შეხვდა და ერთხელ დაამარცხა. ხსენებული გათამაშების საპრიზო ფონდი 661,800 დოლარს შეადგენს. იმ შემთხვევაში თუ ბასილაშვილი წარმატებას მიაღწევს, მომდევნო ეტაპზე ის ერთ–ერთ ამერიკელს, სებასტიან კორდას ან ტომი პოლს შეხვდება. "უაილდ ქარდით" ამ ტურნირზე კეი ნიშიკორი და მსოფლიოს ყოფილი პირველი ჩოგანი – ენდი მარი იასპარეზებენ. რეიტინგის პირველი ნომერი კი რუსი ანდრეი რუბლიოვია.

ბასილაშვილი ATP-ის რეიტინგში დაწინაურდა

ნიკოლოზმა წინ ორი პოზიციით წაიწია

ასევე იხილეთ

უახლესი ამბები