პარიზში მიმდინარე მასტერსის მეორე წრეში, მარტონ ფუჩოვიჩთან მოპოვებული გამარჯვებით, სერბმა ჩოგბურთელმა, ნოვაკ ჯოკოვიჩმა როჯერ ფედერერის რეკორდი გააუმჯობესა.

უნგრელის დამარცხების შემდეგ, ნოლეს პირველი ჩოგნის რანგში 418 გამარჯვება დაუგროვდა. ამრიგად, სერბმა ფედერერს (417 მოგება) გადაასწრო და მორიგი რეკორდის ავტორი გახდა.

პირველი ჩოგნის რანგში მოგებული მატჩების რაოდენობით მესამე ადგილს დიდი მუზარადების 8-გზის ჩემპიონი, ჯიმი კონორსი იკავებს, რომლის აქტივშიც 390 მოგებაა. მოქმედი ჩოგბურთელებიდან კი ჯოკოვიჩთან და ფედერერთან ყველაზე ახლოს რაფაელ ნადალია. ესპანელმა პირველი ჩოგნის სტატუსით 290 შეხვედრაში გაიმარჯვა.

აქვე შეგახსენებთ, რომ პარიზის მასტერსის მესამე წრეში ნოვაკ ჯოკოვიჩს გაელ მონფილსის წინააღმდეგ უნდა ეთამაშა, თუმცა ფრანგი ჩოგბურთელი ტურნირს ტრავმის გამო ჩაეხსნა და შედეგად, სერბმა მომდევნო ეტაპის საგზური უბრძოლველად მოიპოვა. მეოთხედფინალში კი ნოლეს მეტოქე ამერიკელი ტეილორ ფრიცი იქნება.

Most ATP singles wins as World No.1:

1. Djokovic - 418
2. Federer - 417
3. Connors - 390
4. Lendl - 366
5. Sampras - 322
6. Nadal - 250

Another record in the books for @DjokerNole 👏 #RolexParisMasters pic.twitter.com/ZnfJFjSbLI
— Tennis TV (@TennisTV) November 4, 2021

ჯოკოვიჩმა ფედერერის რეკორდი გააუმჯობესა

ნოვაკს პირველი ჩოგნის რანგში ყველაზე მეტი მოგება დაუგროვდა

უახლესი ამბები