ქალთა შორის ამერიკის ღია პირველობის ფინალში ერთმანეთს ჯესიკა პეგულა და არინა საბალენკა დაუპირისპირდნენ. ბელარუსიელმა სპორტსმენმა ამერიკელი მეტოქე ორ სეტში - 7:5, 7:5 დაამარცხა და კარიერაში პირველად US Open-ის ჩემპიონი გახდა. ეს მისთვის მესამე დიდი სლემის ტურნირია, რომლის გამარჯვებულიც გახდა.

საბალენკამ, რომელიც WTA რეიტინგის მეორე ნომერი გახლავთ, აშშ-ის ღია პირველობაზე ისეთი ჩოგბურთელები დაამარცხა, როგორიცაა: პრისილა ჰონი, ლუსია ბრონზეტი, ეკატერინა ალექსანდროვა, ელის მერტენსი, ქინვენ ჟენგი, ემა ნავარო და ზემოთ ხსენებული ჯესიკა პეგულა.

26 წლის არინა WTA-ის რეიტინგში მხოლოდ იგა შვიონტეკს ჩამორჩება. ამ უკანასკნელს 10885 სარეიტინგო ქულა აქვს, ხოლო საბალენკას 8716.

აქვე მოგახსენებთ, რომ დღეს 22:00 საათიდან, ამერიკის ღია პირველობის ფინალი უკვე მამაკაცთა შორის გაიმართება. ჩემპიონობისთვის იანიკ სინერი და ტეილორ ფრიცი იბრძოლებენ.

საბალენკა US OPEN-ის ჩემპიონია

ფინალში საბალენკამ პეგულა დაამარცხა

უახლესი ამბები