მარიამ ბოლქვაძე ამერიკის ღია პირველობის საკვალიფიკაციო ეტაპის ფინალში იასპარეზებს. 21 წლის ქართველმა ჩრდილო კორეელი მეტოქე, ნა-ლე ჰანი, მძიმე ბრძოლაში დაამარცხა – 2:1.

პირველი ორი სეტი მსგავსი სცენარით წარიმართა. თავდაპირველად, ჰანმა ჩვენებურს სამი ჩაწოდება წაართვა, თავად ერთი დათმო და 6:2 იმარჯვა, ხოლო მეორეში პირიქით მოხდა და ბოლქვაძემ ანგარიში გაათანაბრა – 6:2.

გადამწყვეტ სეტში დიდი ბრძოლა გაჩაღდა. ჩრდილო კორეელმა თავიდანვე დააბრეიქა. ამის მიუხედავად, მარიამმა მეტოქეს ჩაწოდება ორჯერ წაართვა და გალიდერდა. მანვე 6 ბრეიქ ფოინთი მოიგერია, თუმცა, მეშვიდე ვერ გადაარჩინა და ანგარიში 5:5 გახდა. საბოლოოდ, ჩვენებურმა პირველივე შანსი გამოიყენა, დააბრეიქა და საკუთარი ჩაწოდების მოგებით ფინალში გავიდა – 7:5.

შეხვედრა ორ საათზე მეტ დროს გაგრძელდა და ჯამში, 186 ქულა გათამაშდა.

ბოლქვაძემ მძიმე ბრძოლაში იმარჯვა და ფინალში გავიდა

ასევე იხილეთ

უახლესი ამბები