24 აგვისტოს, ტოკიოში სტარტი ზაფხულის პარალიმპიურმა თამაშებმა აიღო. საქართველოს დელეგაციას კი ტოკიოში 13 პარასპორტსმენი წარმოადგენს.

პარალიმპიური თამაშების პირველ დღეს, ტოკიო 2020-ზე პარამოფარიკავეები, ირმა ხეცურიანი და ნინა თიბილაშვილი ჩაერთვნენ.ხმლით ფარიკაობაში ორი ქართველმა წარმატებით იასპარეზა და ნახევარფინალში გავიდნენ.

ირმა ხეცურიანმა გამოსვლა არადამაჯერებლად დაიწყო და წინასწარ ეტაპზე ზედიზედ ორი სასტარტო შეხვედრა წააგო. ქართველი პარამოფარიკავე ჯერ ტაილანდელ იანა საისუნესთან დამარცხდა 4-5, შემდეგ კი ასეთივე ანგარიშით დაპირისპირება ჩინელ ხიაო რონგთან დათმო. თუმცა, ხეცურიანმა მომდევნო სამი ბრძოლა შესანიშნავად ჩაატარა. ირმამ ამერიკელი ტერი ჰეისი 5-1, გერმანელი სილვი ტაუბერი 5-2, იტალიელი როზანა პასკუინო 5-4 დაამარცხა და მეოთხედფინალური ეტაპის საგზური მოიპოვა.

მეოთხედფინალში ირმა ხეცურიანს დაპირისპირება კვლავ იტალიელ როზანა პასკინოსთან მოუწია, რომელსაც ისევ გაუმკლავდა, დაძაბულ ბრძოლაში 15-14 დაამარცხა და ნახევარფინალში გავიდა, სადაც მისი მეტოქე ჩინელი პარამოფარიკავე, ტან შუმეი იქნება და შეხვედრა 11:00 საათზე დაიწყება.

ირმა ხეცურიანი ნახევარფინალშია

ტოკიოში პარალიმპიური თამაშები დაიწყო

პარამოფარიკავე ირმა ხეცურიანი ნახევარფინალში გავიდა

უახლესი ამბები