როგორც უკვე მოგახსენეთ, ქართველი პარაძიუდოისტი, ინა ქალდანი ტოკიოში მიმდინარე პარალიმპიადაზე დღეს პირდაპირ მეოთხედფინალიდან ჩაერთო და მსოფლიო რეიტინგის მეორე ნომერი – მექსიკელი რუვალსაბა ალვარესი მახრჩობელა ილეთით დაამარცხა.

ნახევარფინალურ ეტაპზე, ქართველი პარასპორტსმენის მეტოქე იაპონელი ოგავა კაზუსა გახლდათ. საბედნიეროდ, ინამ წარმატების მიღწევა კვლავ შეძლო. მოწინააღმდეგე იპონით დაამარცხა და ფინალის საგზური მოიპოვა, რაც იმას ნიშნავს, რომ საქართველოს გარანტირებული პარალიმპიური მედალი აქვს!

აქვე მოგახსენებთ, რომ ინა არის პირველი ქართველი ქალი ძიუდოისტი, რომელიც საქართველოს ოლიმპიურ და პარალიმპიურ ისტორიაში ზაფხულის თამაშების ფინალში გავიდა.

ფოტო: საქართველოს პარალიმპიური კომიტეტი

პარაძიუდო – ქალდანი ფინალშია!

ინამ ფინალის საგზური მოიპოვა

ასევე იხილეთ

უახლესი ამბები