26 თებერვლას UFC–ის მსუბუქი დივიზიონის რეიტინგის მესამე და მეოთხე ნომრები ერთმანეთს შეხვდებიან. ისლამ მახაჩევი, რომელიც აცხადებს, რომ 2022 წელს ქამრისთვის იბრძოლებს, წლის პირველ ორთაბრძოლას ბენილ დარიუშთან ჩაატარებს.

30 წლის მახაჩევს ამჟამად ზედიზედ ცხრა მოგება უფიქსირდება. მიმდინარე წელს, მან სამჯერ იმარჯვა. მისმა მწვრთნელმა, ხაბიბ ნურმაგომედოვმა კი განაცხადა, რომ მომავალ წელს, მათ გეგმაში ოქროს ქამრის მოგება შედის.

დიდი ალბათობით, UFC–ის მსუბუქი დივიზიონის მოქმედი ჩემპიონი, ჩარლზ ოლივეირა მომავალ წელს ქამარს თავდაპირველად ჯასტინ გეიჯისთან შეხვედრით დაიცავს. სავარაუდოდ, მახაჩევისა და დარიუშის გამარჯვებული, შემდგომში უკვე ბრაზილიურ – ამერიკულ დუელში, უმჯობესს ტიტულისთვის დაუპირისპირდება.

გეიჯი დარწმუნებულია, რომ დანა უაითი მას ჩარლზთან ბრძოლას უმზადებს. ისლამი და ბენილი კი ურთიერთობას 26 თებერვალს გაარკვევენ. ორივე მებრძოლისთვის, ეს გამოსვლა ძალიან მნიშვნელოვანი იქნება, ვინაიდან აქ წარმატება, პრაქტიკულად სატიტულო ბრძოლაში მონაწილეობის შანსს ნიშნავს.

ცნობისთვის, დარიუშს ბოლო შვიდი ორთაბრძოლა ზედიზედ აქვს მოგებული. 2021 წელს მან ჯერ კარლოს დიეგო ფერეირას, ხოლო შემდეგ ტონი ფერგიუსონს აჯობა.

ისლამ მახაჩევი თებერვალში იბრძოლებს – მეტოქის ვინაობა ცნობილია

მახაჩევი ოქტაგონზე 26 თებერვალს გამოვა

მისი მეტოქე ბენილ დარიუში იქნება

უახლესი ამბები