UFC-ის დაუმარცხებელ ქართველ მებრძოლ, ილია თოფურიას ჯერჯერობით მომავალი მეტოქე ოფიციალურად შერჩეული არ ჰყავს. "მატადორის" აქტივში 12 გამარჯვება ფიქსირდება. ის ყველაზე პრესტიჟულ ორგანიზაციაში 2020 წლიდან გამოდის და იქ ოთხიდან ოთხი ბრძოლა მოიგო. უკანასკნელად ილია საქმეში მიმდინარე წლის 19 მარტს ვიხილეთ და მან ჯაი ჰერბერტი დაანოკაუტა.

ახლა კი ესპანელი ჟურნალისტი, ალვარო კოლმენერო იუწყება, რომ თოფურიამ ედსონ ბარბოსასთან ბრძოლის შეთავაზება მიიღო და იმ შემთხვევაში თუ მხარეები საბოლოო შეთანხმებამდე მივლენ, მაშინ მათი დაპირისპირება 16 ივლისის ქარდზე შედგება, თუმცა იმის გამო, რომ ბრაზილიელი ამჟამად ტრავმირებულია, არაა გამორიცხული, რომ ამ შეთავაზებაზე უარი თქვას.

ცნობისთვის, ბარბოსა UFC-ის ქვემსუბუქი დივიზიონის მე-12 ნომერი გახლავთ. მას ქართველი გულშემატკივარი განსაკუთრებით კარგად იცნობს, რადგან გასული წლის აგვისტოში გიგა ჭიკაძეს დაუპირისპირდა და "ნინძამ" ბრაზილიელი მესამე რაუნდში დაამარცხა. ბარბოსამ გიგასთან განცდილი მარცხის შემდეგ, მიმდინარე წლის მარტში მორიგი ბრძოლა უკვე მიტჩელთან წააგო.

შეგახსენებთ, რომ თავად თოფურია ამჟამად ქვემსუბუქი დივიზიონის რეიტინგში მე-15 ადგილს იკავებს. ბოლო გამოსვლა კი ქართველს მსუბუქი დივიზიონის ეგიდით ჰქონდა, რომელიც მისთვის ამ წონაში სადებიუტო იყო, თუმცა წარმატებული!

თოფურია შესაძლოა ბრაზილიელ მეტოქეს შეებრძოლოს

ილია თოფურია VS ედსონ ბარბოსა

უახლესი ამბები