38 წლის ტონი ფერგიუსონს UFC-ში ბოლო ოთხი ბრძოლა წაგებული აქვს. ეს მის კარიერაში ყველაზე ცუდი მაჩვენებელია. მისი საერთო სტატისტიკა კი MMA-ში 25 გამარჯვებასა და შვიდ მარცხს ითვლის. ბოლოს "ელ კუკუი" საქმეში მიმდინარე წლის შვიდ მაისს ვიხილეთ. ის მაიკლ ჩენდლერს დაუპირისპირდა, თუმცა მეორე რაუნდში ბრუტალური ნოკაუტით დამარცხდა.

ორგანიზაციის პრეზიდენტმა, დანა უაითმა განაცხადა, რომ მიუხედავად ზედიზედ წაგებული ოთხი ორთაბრძოლისა, ის ფერგიუსონთან თანამშრომლობას მაინც აპირებს. ახლა კი ტონი სოციალური ქსელის მეშვეობით გულშემატკივრებს ატყობინებს, რომ სურს მაიკლ ჩენდლერთან რემატჩი გამართოს.

გავაკეთოთ ეს კიდევ ერთხელ. გარანტიას გაძლევ, რომ იღბალი შენს მხარეს აღარ იქნება. რაც მოხდა უკვე წარსულია. შენ შესანიშნავი გამარჯვება მოიპოვე და მე ის მოგილოცე. იმედია, განმეორებით ბრძოლაში კიდევ ერთხელ შევხვდებით.

ფერგიუსონმა რამდენიმე კვირის წინ დასტინ პორიესთან შეხვედრის სურვილიც გამოთქვა და აღნიშნა, რომ სურს ოქტაგონზე მიმდინარე წლის მიწურულს გამოვიდეს. რაც შეეხება ჩენდლერს, მისი სასურველი მეტოქე ორი წონითი კატეგორიის ყოფილი ჩემპიონი, კონორ მაკგრეგორი გახლავთ და ჯერჯერობით უცნობია, შედის თუ არა მის გეგმებში ტონისთან რემატჩი.

ფერგიუსონს ჩენდლერთან განმეორებითი ბრძოლის გამართვა სურს

ტონი რემატჩზე ფიქრობს

უახლესი ამბები