დაუმარცხებელი ქართველი მებრძოლის, ილია თოფურიასა და ედსონ ბარბოსას დაპირისპირება 29 ოქტომბერს UFC FIGHT NIGHT 213-ზე უნდა გამართულიყო, თუმცა ბარბოსა ტრავმის გამო შოუდან ჩაეხსნა.

ამის შემდეგ, თოფურიამ განაცხადა, რომ მას აღნიშნულ ღონისძიებაზე გამოსვლის სურვილი ჰქონდა და ახალი მეტოქის ძიება განაგრძო. უცხოურ მედიაში რამდენიმე მებრძოლის გვარმა გაიჟღერა, თუმცა ფაქტი ისაა, რომ "მატადორთან" შეხვედრა არავის სურს და 25 წლის ილია თოფურია ამ დრომდე მეტოქის გარეშეა.

ილიას კარიერის განმავლობაში 12 გამარჯვება აქვს მოპოვებული. აქედან კი ოთხი ყველაზე პრესტიჟულ ორგანიზაცია UFC-ში. შეგახსენებთ იმასაც, რომ 29 ოქტომბერს კელვინ კატარი არნოლდ ალენს დაუპირისპირდება. 5 ნოემბერს კი ბრაის მიჩელი მოვსარ ევლოევს უნდა შეხვედროდა და თოფურიამ ორივე ბრძოლის დაზღვევა გადაწყვიტა. ევლოევი ტრავმის გამო მიჩელის წინააღმდეგ აღარ იასპარეზებს, თუმცა ბრაისს ილიასთან შეხვედრა არ სურს. ორგანიზაცია ჯერჯერობით ქართველისთვის ახალი მოწინააღმდეგის შერჩევას ვერ ახერხებს.

თოფურიასთან ბრძოლა არავის სურს

ილია კვლავ მეტოქის გარეშეა

უახლესი ამბები