UFC-ის 26 წლის მებრძოლი, არმან ცარუკიანი აცხადებს, რომ მსუბუქი დივიზიონის მოქმედ ჩემპიონ, ისლამ მახაჩევთან განმეორებით ბრძოლაზე ოცნებობს. ეს სპორტსმენები ერთმანეთს 2019 წელს პირველად დაუპირისპირდნენ და მაშინ სამრაუნდიანი დაპირისპირების შედეგად, გამარჯვებული მახაჩევი გახდა.

მას შემდეგ, ისლამი ჩემპიონად მოგვევლინა, ხოლო ცარუკიანმა ექვსიდან ხუთი ორთაბრძოლის მოგება შეძლო. ბოლოს ის პოლონელ მატეუშ გამროტთან მსაჯების გადაწყვეტილებით დამარცხდა.

ცარუკიანი უახლოეს ბრძოლას 18 დეკემბერს დამირ ისმაგულოვის წინააღმდეგ ვეგასში ჩაატარებს, მაგრამ როგორც თავად ამბობს, ჩემპიონთან კიდევ ერთხელ შეხვედრა სურს და ამ მიზნის მისაღწევად ყველაფერს გააკეთებს. ამ საკითხზე მან Red Corner MMA-სთან ისაუბრა.

ჩემი საოცნებო ბრძოლა? ეს იქნებოდა რემატჩი ისლამ მახაჩევთან. ის ძალიან გაუმჯობესდა და მიიღო დიდი გამოცდილება, რადგან უკვე ჩემპიონის ტიტულს ფლობს. ბევრი უნდა ვიმუშავო და რამდენიმე ბრძოლა მოვიგო, რათა მასთან შეხვედრა ისევ დავიმსახურო. იმედი მაქვს, რომ უახლოეს წელიწად ნახევარში ამას შევძლებ. ამისთვის ყველაფერს გავაკეთებ.

ვიცი, რომ მისი მომავალი მეტოქე ალექსანდრ ვოლკანოვსკია. ვფიქრობ, ავსტრალიელთან მას მძიმე ორთაბრძოლა ელოდება. ვოლკანოვსკი ურტყამს ზუსტად, კარგად იცის ჭიდაობა, აქვს კარგი კარდიო და ზურგს დიდი გამოცდილებაც უმაგრებს. ეს ისლამისთვის დიდი გამოწვევაა, მაგრამ საბოლოოდ მაინც ვფიქრობ, რომ მახაჩევი გაიმარჯვებს.

ცარუკიანი: "მახაჩევთან რემატჩი ჩემი ოცნების ბრძოლა იქნება"

ცარუკიანს მახაჩევთან შეხვედრა ისევ სურს

უახლესი ამბები