მედიაში გავრცელებული ინფორმაციის თანახმად, UFC-ის ქართველი მებრძოლი, მერაბ "მანქანა" დვალიშვილი ყველაზე პრესტიჟულ ორგანიზაციაში მორიგ ბრძოლას 11 მარტს გამართავს.

როგორც ცნობილი ხდება, დვალიშვილის მომდევნო მეტოქე სუპერმსუბუქი წონითი კატეგორიის ყოფილი ჩემპიონი, პიოტრ იანი იქნება. ბრძოლა კი 11 მარტს, UFC Vegas 78-ის ეგიდით, მთავარ ქარდზე გაიმართება.

[html]

A major bantamweight bout is in the works for #UFCVegas71, as Petr Yan vs. Merab Dvalishvili is lined up for five rounds. 🇷🇺🇬🇪https://t.co/DvQr2YQuXJ pic.twitter.com/4EiIb1KdP3
— MMA Junkie (@MMAJunkie) January 18, 2023

[/html]

შეგახსენებთ, რომ მერაბ დვალიშვილი UFC-ში 2018 წლიდან გამოდის. მართალია, ქართველმა მებრძოლმა პრესტიჟულ ორგანიზაციაში ასპარეზობა ორი მარცხით დაიწყო, თუმცა მას შემდეგ, ზედიზედ რვა ორთაბრძოლა აქვს მოგებული და რუს მეტოქეს შესანიშნავ ფორმაში ხვდება. გასულ წელს მერაბმა მხოლოდ ერთი ბრძლა, ლეგენდარული ჟოზე ალდოს წინააღმდეგ გამართა და ბრაზილიელი მსაჯების ერთსულოვანი გადაწყვეტილებით დაამარცხა.

რაც შეეხება მერაბის მომავალ მეტოქეს, ის UFC-ში 2018 წლიდან გამოდის და 11 ბრძოლაში სამი მარცხი უფიქსირდება. პიოტრ იანმა სუპერმსუბუქ წონით კატეგორიაში ჩემპიონის ტიტული პირველად 2020 წელს, ჟოზე ალდოს დამარცხებით მოიგო, თუმცა ერთი წლის შემდეგ, ქამარი ალჯამეინ სტერლინგთან დათმო, მაგრამ იმავე სეზონში, კორი სანდჰაგენი დაამარცხა და დივიზიონის დროებითი ჩემპიონის ტიტული მოიგო.

გასულ წელს კი იანმა ორი ბრძლა გამართა და ორივე შემთხვევაში დამარცხდა. რუსმა ჯერ საჩემპიონო ორთაბრძოლა დათმო ალჯო სტერლინგთან, შემდეგ კი შონ ო'მალისთან მსაჯების გაყოფილი გადაწყვეტილებით დამარცხდა.

დვალიშვილის მომდევნო მეტოქე და ბრძოლის თარიღი ცნობილია

მერაბ დვალიშვილი პიოტრ იანს დაუპირისპირდება

ბრძოლა 11 მარტს შედგება

უახლესი ამბები