ხაბიბ ნურმაგომედოვის ბიძაშვილი, უმარ ნურმაგომედოვი, რომელიც UFC-ში 2021 წლიდან გამოდის, ახალ მეტოქეს ეძებს, თუმცა როგორც თავად ამბობს, ეს საკმაოდ რთული პროცესია, რადგან მისმა გუნდმა ორთაბრძოლის გამართვა არაერთ მეტოქეს შესთავაზა და პასუხად უარი მიიღო. როგორც ნურმაგომედოვი ამბობს, მასთან შეხვედრის სურვილი არავის აქვს.

UFC ჩემთვის მეტოქეს ეძებს. ჩემთან ჩხუბი არავის სურს. ნუ გეშინიათ, მე ჩვეულებრივი ადამიანი ვარ.

შეგახსენებთ, რომ რამდენიმე კვირის წინ, უმარმა UFC-ის ქართველ ვარსკვლავ, მერაბ დვალიშვილთან შეხვედრის სურვილი გამოთქვა. ამ საკითხზე ახლო წარსულში კომენტარი ხაბიბმაც გააკეთა და განაცხადა, რომ ის ქართველის მიმართ პატივისცემითაა განწყობილი და მისთვის საინტერესო იქნებოდა ამ ჩხუბის ნახვა. თეთრი ფაფახი შავის წინააღმდეგ, მაგრამ ცნობილია, რომ ამ ეტაპზე დვალიშვილის გეგმებში ნურმაგომედოვთან შეხვედრა საერთოდ არ შედის, რადგან ის მალე პიოტრ იანს უნდა დაუპირისპირდეს, სადაც გამარჯვების შემთხვევაში დიდი ალბათობით სატიტულო ორთაბრძოლაში მონაწილეობის უფლებასაც მიიღებს.

რაც შეეხება 27 წლის უმარ ნურმაგომედოვს, მისი სტატისტიკა პროფესიონალურ კარიერაში 16 გამარჯვებას ითვლის. ჯერჯერობით ის არ დამარცხებულა. ბოლოს მან მიმდინარე წლის 14 იანვარს იბრძოლა და პირველივე რაუნდში რაონი ბარსელოსის დამარცხება მოახერხა.

უმარ ნურმაგომედოვი: "ჩემთან ჩხუბი არავის სურს"

ნურმაგომედოვი მეტოქეს ეძებს

უახლესი ამბები