22 აპრილის ქარდზე, სერგეი პავლოვიჩმა კურტის ბლეიდსი პირველსავე რაუნდში გათიშა და ამის შემდეგ, მძიმე წონით კატეგორიაში საჩემპიონო ბრძოლა მოითხოვა. ჩემპიონი კი მოგეხსენებათ, რომ ჯონ ჯონსი გახლავთ, რომელიც ოქტაგონს წელს დაუბრუნდა და სირილ განი დაამარცხა.

რუსი სპორტსმენი ფიქრობს, რომ სატიტულო ბრძოლას ახლა ყველაზე მეტად თავად იმსახურებს. მას 6-ბრძოლიანი მოგებათა სერია აქვს და აღსანიშნავია, რომ ექვსივე შემთხვევაში მან პირველსავე რაუნდში იმარჯვა.

ჩემი და ჯონ ჯონსის ბრძოლა, ყველა დროის საუკეთესო იქნება. მე, ორგანიზაციამ და თავად ჯონსმაც კარგად ვიცით, რომ ქამრისთვის ბრძოლას ვიმსახურებ. დღეს ნომერ პირველი პრეტენდენტი ვარ.

დიდი იმედი მაქვს, რომ ჩვენი შეხვედრა მიმდინარე წელს შედგება. ორი საუკეთესო მძიმეწონოსნის ბრძოლა მაყურებლისთვის ძალიან საინტერესო იქნება.

პავლოვიჩი ყველაზე პრესტიჟულ ორგანიზაციაში 2018 წლიდან გამოდის. როსტოველი მებრძოლი მხოლოდ ერთხელ დამარცხდა. მას ალისტერ ოვერიმმა 4:21 წუთში აჯობა.

პავლოვიჩი: "ჩემი და ჯონსის ბრძოლა ყველა დროის საუკეთესო იქნება"

სერგეიმ "ბოუნსთან" შეხვედრის სურვილი კვლავ დაადასტურა

უახლესი ამბები