UFC 296-ზე, რომელიც დეკემბერში გაიმართა, გულშემატკივრებმა შონ სტრიკლენდისა და დრიკუს დუ პლესის ბრძოლაც იხილეს, თუმცა არა ოქტაგონზე. ისინი ხსენებულ ღონისძიებას ესწრებოდნენ და ერთმანეთთან საკმაოდ ახლოს ისხდნენ. დუ პლესი მოქმედ ჩემპიონს სხვდასხვა შეძახილებით აღიზიანებდა, რის გამოც შონმა მას ფიზიკური შეურაცხყოფა მიაყენა. ხელჩართული ჩხუბი კი დაცვის თანამშრომლების ჩარევის შემდეგ შეწყდა. ამ საკითხზე შონ სტრიკლენდმა კიდევ ერთხელ ისაუბრა და მომხდარი გაიხსენა:

არსებობს საკითხები, რომლებსაც არ უნდა შეეხო და მათზე არ ისაუბრო. შენ არ გაქვს უფლება ისაუბრო მეტოქის ცოლზე, შვილებზე და ბავშვზე, რომელზეც ძალადობდნენ.

ყველა ეს თემა დახურულია და არავის უნდა ჰქონდეს სურვილი, რომ მსგავს საკითხებს შეეხოს. პირველად, როდესაც მან ეს ხაზები გადალახა, მე შევეცადე, რომ დამეიგნორებინა და ყურადღება არ მიმექცია, მაგრამ შინაგანად ვდუღდი. ის არ გაჩერდა და ამაზე ხუმრობა ისევ გააგრძელა, რამაც ჩემი მოთმინება ამოწურა. მე მზად ვიყავი, რომ ის მომეკლა. მას წარმოდგენაც არ ჰქონდა, რომ ამის გაკეთება რეალურად შემეძლო.

როდესაც ბავშვობაში ფიზიკური ან ფსიქოლოგიური ძალადობის მსხვერპლი ხდები, ზრდასრულ ასაკშიც ეს ტკივილი თან დაგყვება და ვერასდროს შეიცვლები. ბავშვობის ტრავმები სახუმარო საკითხი არ არის. მესამე ან მეოთხე კლასში ვიყავი, ყოველთვის დედაჩემის ოთახში ვიძინებდი, რადგან მაშინ სულ მქონდა განცდა, რომ მამაჩემი დედაჩემის მოკვლას აპირებდა. ზოგჯერ კარებთან ვიძინებდი ან ლოგინის ქვეშ. ეს საშინელი პერიოდი იყო.

სტრიკლენდი: "არსებობს საკითხები, რომლებსაც არ უნდა შეეხო"

სტრიკლენდმა დუ პლესისთან მომხდარ ინციდენტზე ისაუბრა

უახლესი ამბები